УИХ-ын гишүүн Г.Лувсанжамц мэдээлэл өглөө.

Тэрбээр “Ирцийн хувьд тогтмол суудаг 10 гаруй гишүүн бий. Анх удаа сонгогдсон гишүүд бол идэвхтэй судаг. Эдийн засгийн байнгын хороон дээр заавал суух хэрэгтэй хэрнээ суугаагүй сайд нарыг дурдах хэрэгтэй. Төсөв өөрсдөө боловсруулаад гаргаж ирээд, юун тулд төсвийн таван үе шаттайгаар хэлэлцэж байгаа билээ. Сайд нар асуулт хариултад хариулаад, салбарынхаа бодлогыг ярих ёстой. Гэтэл сайд нар нь байхгүй онцгүй дүр зараг харагдлаа. Байнгын хорооны хуралдаан дундуур гараад мэдэгдэл хийж байна. Байр сууриа ойлгох хэрэгтэй, дурандаа сайд хийж байгаа шүү, ажлаа хиймээр байна. УИХ бол ажлаа хийж байгаа байнгын хороо хуралдаж байгаа, Засгийн газрын сайд нар яагаад ирэхгүй байгаа юм. Л.Оюун-Эрдэнийн Засгийн газар л хамгийн тогтвортой ажиллаа. Үүсээд байгаа нөхцөл байдлыг Засгийн газар цэвэрших үйл ажиллагаа гэж харж байна. Нөгөө талаар УИХ-ын тогтолцоо зөв үү, ёс зүйн зарчмын асуудал яригдагдаж байна. Олон хардлага явж байна, шүүх засаглал юу хийж байгаа юм бэ. МАН-ын Бага хурлын үеэр Д.Амарбаясгалан нэр дэвшигчийг дэмжсэн. Учир нь, яамнуудын тоог 12 хүртэл болгож цөөлнө, агентлаг болон төрийн өмчит байгууллагын тоог 30 хувиар цөөлнө гэсэн. Би энэ асуултыг Г.Занданшатар нэр дэвшигчээс асуусан, тодорхой хариулт байгаагүй. Би бол төр цомхон байр ёстой, төрийн өмчит байгууллагын завхайрлыг арилгах ёстой. Ингэж байж багш, алба хаагчдын цалин, тэтгэврийг нэмнэ. Энэ дээр дорвитой хариу өгсөн нэр дэвшигчийг дэмжсэн. Манай намын ах нар эмо байна. Удирдах зөвлөл хуралдаад чиглэл өгнө. МАН-ын Бага хурал дээр  олонхын санал нь хэнд очсон юм, тэрийг намын удирдах зөвлөл гаргах ёстой. Хоорондоо уулзахгүй бүгдийг нь бүртэлзүүлээд байгаа юм, бүлэг нь хуралдаж чадахгүй байна. Ах нар хэзээ эморч дуусах юм. Энэний дараа л гүйцэтгэх засаглал, хууль тогтоох засаглалын ажил жигдрэх гээд байна” гэв.