МАН-ын даргыг сонгосон Бага хурлын шийдвэр хууль, дүрэмд нийцсэн эсэх асуудлаар МАН-аас мэдээлэл хийж байна.

УИХ-ын гишүүн Б.Баярбаатар “МАН наймдугаар Бага хурал ямар нэгэн хууль дүрмийн зөрчилгүй болсон. Улс төрийн намын тухай хуулиа барьж ажилласан. Эргэлзээ үүсээд байгаа ирцийн тухай мэдээлэл өгье. МАН Бага хурал 478 гишүүнтэй, үүний 3.2хувийн ирцийн бүрэлдэхүүнтэй байж хурал эхэлсэнд тооцдог. Эхний санал хураалтанд 442 хүн санал хураалтад оролцож үүний 56 хувийг нь нэр дэвшигч Д.Амарбаясгалан, 44 хувийг нь нэр дэвшигч Г.Занданшатар авсан. Намын дүрмээр 3.2 хувийг нь буюу 66 хувиас дээш санал авсан нэр дэвшигч намын даргаар сонгогдоно гэсэн дүрэм байдаг. Энэ дүрэмд хүрээгүй. Тооллогын баг журам батлаад санал хураалт хийсэн. Хурал бол гурван цаг тутамд завсарласан. Санал хураалт бүрийн өмнө ирцийг шалгасан. Дараагийн санал хураалтад 321 хүн оролцож 275 хүн нь Д.Амарбаясгаланг сонгож, 46 хүн цагаан хуудас өгч, саналаа өгөөгүй. Өрсөлдөгчгүй ганцхан нэр дэвшигч байсан ч бид нууц саналт хураалт явуулдаг” гэв.