МАН-ын Бага хурлын үеэр УИХ-ын гишүүн асан Ц.Цэрэнпунцагаас хүүгийнх нь хэргийн талаар сэтгүүлчид тодрууллаа. Тэрбээр “Миний хүү 28 настай насанд хүрсэн залуу. Мөрдөн байцаах шалгалтын ажиллагаа үргэлжилж байгаа учраас хэргийн талаар нарийн ярих шаардлага алга. Хүүгийн минь найз охиныг оролдож, мессеж бичсэнээс болж тэдний зодоон үүссэн гэсэн. Тэдний зодооны нотлох баримт, зураг, бичлэг байгаа. Найз охиныг нь янз бүрээр оролдоод байхад нь ямар ч эр хүн дуртай байхгүй байлгүй дээ. Зодуулсан гэх залуугийн эцгээс нь хүүгийнхээ өмнөөс уучлалт гуйж, эрүүл мэндийнх нь төлбөрийг төлж, анхаарал тавьсан. Түүний дүнд мэс засал хийлгээд ирсэн байна лээ. Миний хийж чадах ажил тэр шүү дээ. Намайг УИХ-ын гишүүн байснаас болж манай хүүхэд хатуу шийтгэгдээд 60 хоног хоригдож байгаа юм биш үү. Хууль бүх хүнд тэгш үйлчилэх ёстой. Би хүүхдээ хэлмэгдэж байгаа юм биш биз дээ” гэж санаа зовж байна “гэв.