Төсвийн байнгын хорооны хуралдаанаар Ерөнхий сайд Л.Оюун-Эрдэнэ мэдээлэл өглөө. Тэрбээр “Би тухайн үед сэтгүүлчдэд тайлбар өгч, АТГ-т бүх материалаа өгсөн. Би хүүтэйгээ уулзаж, нөхцөл байдлын талаар ярилцсан. Хүү минь 23 настай. Тэр бүсгүйтэй хайр сэтгэлийн холбоотой болсон нь үнэн байсан. Хайртай эмэгтэй нь бие давхар болоод бөгж бэлэглэсэн юм билээ. Хүү минь тэр эмэгтэйд 17сая төгрөгийн бөгж, 500 мянган төгрөгийн үнэтэй бугуйвч бэлэглэсэн нь үнэн. Харин үнэтэй машин өгсөн гэдэг нь худал мэдээлэл байсан. 23 настай хүн гэдэг бие даасан хүн. Тэр хүн хэнд хайр сэтгэлтэй болох, яаж амьдралаа зохиоход нь хөндлөнгөөс оролцох нь ёс зүйгүй. Хүү минь сонирхлынхоо дагуу контент хийдэг. Аав минь зургийн авьяастай хүн. Хүү минь зурах авьяастай. Түүгээрээ ажиллаж, хөдөлмөрлөж яваа. Нээлттэй ил тод байдлын төлөө тэмцэж, төрийн сангуудыг ил болгож, нийгэмтэйгээ хамт явсан. Нотлогдож чадахгүй байгаа орлоготой холбоотой асуудлыг УИХ-д өргөн барьсан. Миний хувьд орлогоо нотолж чадахгүй байгаа ямар ч асуудал байхгүй" гэв.