Зам, тээврийн сайд Б.Дэлгэрсайхан цаг үеийн асуудлаар мэдээлэл өглөө. Тэрбээр “Улсаа бодвол Хамтарсан засгийн газар байх нь зөв. Төрөөрөө тоглоё гэвэл Хамтарсан засгийн газраа тараа. Нэг нам төрд байх нь төр засгийг тогтворгүй болгоно. Хагас жил болоод төр засгийн удирдлагуудаа солиод байвал Монгол Улстай хэн ч хамтран ажиллахгүй. Ерөнхий сайд өөрийгөө шалгуулъя гэсэн байна лээ шүү дээ. Шалгагдсан хойно нь л түүнийг огцруулах эсэх асуудлаа яриач дээ. Шалгаагүй байхад нь буюу түүний орлогын эх үүсвэрийн үнэн, худлыг мэдээгүй байж хэн нэгэн рүү дайрах нь зөв үү. Биднийг дэлхийд хэн ч тоохгүй. Хэрүүлтэй айл ямар байдаг билээ. Бид яг тийм болчихлоо. 2012 онд Н.Алтанхуягийн Засгийн газар унаад Ардчилсан нам нохойн замаар орсон биз дээ. Хэрвээ энэ Засгийн газар унах юм бол тэр түүх давтагдана.  Сайдын цалин УИХ-ын гишүүдийнхтэй адилхан. Сайдын ажил бол хүн ялархаад байх юм биш. Маргаашийн Бага хурлаар юу ярих талаар мэдээгүй. Нисэхийн 100 жилийн ой болж байгаа учраас мэдээлэлгүй гадуур яваад байна” гэв.