Монгол Улсын Засгийн газрын ээлжит хуралдаан өнөөдөр болж өндөрлөлөө. Энэ удаагийн Засгийн газрын хуралдаанаар цагаан сарын амралтыг сунгах тухай тэргүүтэй 35 асуудлыг хэлэлцсэн байна. Хуралдаанаас гарсан шийдвэрийн талаар ХХААХҮ-ийн сайд Ж.Энхбаяр мэдээллээ.

Тэрбээр “Засгийн газрын өнөөдрийн хуралдаанаар махны үнийн өсөлтийн асуудлыг хэлэлцлээ. Улмаар махны үнийн өсөлтийг бууруулах зорилгоор экспортын квотод хязгаарлалт хийж, экспортлохоор бэлтгэсэн зарим махыг дотоодын зах зээлд худалдахаар шийдвэрлэсэн. Үүнтэй холбоотойгоор сар шинийн баярыг угтан хоёрдугаар сарын 6-наас тодорхой цэгүүдэд махны худалдаа гаргахаар төлөвлөлөө. Энэ ажлыг ХХААХҮ-ийн яам хариуцан ажиллана” гэв.