Монгол Улсын Их Хурлын 2024 оны ээлжит сонгуулийн сонгогчийн санал авах үйл ажиллагаа 2024 оны зургадугаар сарын 28-ны өдөр 07:00 цагт эхэллээ. Санал авах ажиллагаа 22:00 цаг хүртэл үргэлжилнэ.

            УИХ-аас Монгол Улсын Үндсэн хуульд өөрчлөлт оруулснаар 126 гишүүнтэй УИХ-ыг байгуулахаар тогтож, холимог тогтолцоогоор, бүсчилсэн тойргоор ийнхүү сонгуулийг зохион байгуулж байна. 2024 оны УИХ-ын ээлжит сонгуульд 19 нам, хоёр эвсэл, 40 гаруй бие даагч, нийт 1341 нэр дэвшигч өрсөлдсөн. Тэднээс 78 нь тойргоос, 48 нь намын жагсаалтаар УИХ-д сонгогдоно.

Сонгогч та санал өгөх байрныхаа хаяг, байршлыг https://m-election.mn/main/cG9zdDo2NTAx холбоосоор харна уу.

Мөн  https://election.burtgel.gov.mn/  цахим холбоосоор иргэний бүртгэлийн дугаараа оруулах харах боломжтой. 1800-2800 сонгогчдын лавлах мэдээлэл авах боломжтой.

• Санал авах байранд сонгогч танд хоёр хэсэгтэй саналын хуудас өгнө.Нам, эвслийн нэртэй саналын хуудаст та зөвхөн нэг нам, эвслийн өмнө зууван дугуйг дүүргэн будаж саналаа тэмдэглэнэ.
• Нэр дэвшигчийн нэртэй саналын хуудас та мандатын тоотой тэнцүү нэр дэвшигчийн өмнөх зууван дугуйг дүүргэж будаж саналаа тэмдэглэнэ.
• Илүү эсхүл дутуу тэмдэглэвэл таны санал хүчингүй болно гэдгийг анхаарна уу.