Ашигт малтмалын лиценз"-тэй холбоотой нотлох баримтыг шинжлэн судлах сонсгол үргэлжилж байна. Энэ үеэр Усны тухай хууль зөрчиж олгосон тусгай зөвшөөрлийн талаар Ашигт малтмал газрын тосны газрын Кадастрын хэлтсийн дарга Д.Батмагнай мэдээлэл хийлээ. 

     Тэрбээр “2023 оноос нэгдүгээр сараас эхлээд энэ төрлийн асуудлууд үүссэн. Усны хуульд 2012 онд өөрчлөлт орохдоо Ашигт малтмалын хайгуулын болон ашиглалтын үйл ажиллагаа явуулахад Усны сав газраас зөвшөөрөл авах зохицуулалт орсон. Хуульд Ашигт малтмалын хуульд ашигт малтмалын тусгай зөвшөөрлийг олгохдоо 17 дугаар зүйл, нөөцөө тогтоосон тохиолдолд 24, 25 дугаар зүйлийн дагуу олгодог болсон. Энэ хуулийн дагуу нэлээд олон тусгай зөвшөөрөл олгогдсон. Тус хуулийн зүйл заалттай холбоотойгоор төрийн бус байгууллагуудаас удаа дараа шүүхэд нэхэмжлэл гаргасан. Нэхэмжлэлтэй холбоотой 7-8 хэрэг хянан шинжлэх шатанд байгаа” гэв.

       Ашигт малтмал газрын тосны газрын Хууль, эрх зүйн хэлтсийн дарга Энхтулга “Хянан шалгах хороонд тайлбараа хүргүүлсэн. Бид тухайн тусгай зөвшөөрлүүдийг хууль зөрчиж олгоогүй гэсэн байр суурьтай байгаа. Одоогийн байдлаар эцэслэн шийдэгдэж, хүчингүй болгох хоёр тусгай зөвшөөрөл байгаа. Үлдсэн зургаа нь шүүхийн шатанд байгаа” гэв.