Монгол Улсын Засгийн газрын ээлжит хуралдаан өнөөдөр болж өндөрлөлөө. Засгийн газрын ээлжит хуралдаанаар Б.Хурц нарт холбогдох хэргийн тогтоол, шүүхийн шийдвэрийг төрийн нууцаас гарган ил болгох шийдвэр гаргав.

                           Тодруулбал, Төв аймаг дахь Сум дундын эрүүгийн хэргийн анхан шатны шүүхийн 2020 оны долдугаар сарын 22-ны өдрийн МН/272 дугаартай шийтгэх тогтоол 123 хуудас, Төв аймгийн иргэний хэргийн давж заалдах шатны 2020 оны аравдугаар сарын 29-ний МН/58 дугаартай шүүхийн магадлал 71 хуудас, Дээд шүүхийн хяналтын шатны эрүүгийн хэргийн шүүх хуралдааны 2021 оны гуравдугаар сарын 31-ний өдрийн 179 дугаартай Б.Хурц нарт холбогдох хэргийн тогтоол 56 хуудас шүүхийн шийдвэрийг төрийн нууцаас гарган ил болгохоор шийдвэрлэжээ. Тогтоолыг хэрэгжүүлэхтэй холбоотойгоор төрийн нууцад хамаарах шүүхийн шийдвэрийг ил болгох ажлыг Хууль зүй, дотоод хэргийн сайд Б.Энхбаяр, Тагнуулын ерөнхий газрын дарга П.Одонбаатар нарт даалгасан байна.