Л.ЭНХ-АМГАЛАН: Монгол улсын өрсөлдөх чадвар дээшилнэ гэж бодож байна

2024-04-17, 808

Засгийн газрын ээлжит хуралдаан боллоо. Хуралдаанаас гаргасан шийдвэрийг Боловсрол, шинжлэх ухааны сайд Л.Энх-Амгалан нар танилцууллаа.

Тэрбээр "Шинжлэх ухаан, технологийн тухай хуулийн төслийг өргөн мэдүүлэх тухай Боловсрол, шинжлэх ухааны сайд Л.Энх-Амгалан: Өнөөдрийн Засгийн Газрын ээлжит хуралдаанаар Шинжлэх ухаан технологийн тухай хуулийн төслийг УИХ-д өргөн барихыг зөвшөөрсөн. Шинжлэх ухаан технологийн хууль, түүний ач холбогдол юу вэ гэдэг асуудал бий. Өөр нэг ноцтой асуудал нь 1994 онд Үндэсний аюулгүй байдлын үзэл баримтлал дээр шинжлэх ухаан, технологийн аюулгүй байдал гэсэн бүхэл бүтэн бүлэг байдаг байсан. Харамсалтай нь 2010 өөрчлөлтөөр энэхүү бүлгийг авч хаясан байна. Энэ нь Монгол улсын үндэсгүй аюулгүй байдалд аюул учруулах зохицуулалт байсан. Үүнийг санаатай хийсэн байх гэж бодож байна.

Хоёрдугаарт бид шинжлэх ухаан, технологийн салбарыг Боловсрол, шинжлэх ухааны яамны хүрээнд харж ирсэн байна. Гэтэл шинжлэх ухаан гэдэг бол дэлхий нийтээр салбар дундын экосистемийн шинжтэйгээр хөгжсөн байна. Тиймээс цаашид төрийн оролцоо юу байх вэ, салбар яамдын хамтын ажиллагаа юу байх вэ гэдгийг бид тодорхой байлгах ёстой.

Монгол улсад байгаа судалгаа шинжилгээний санхүүжилт зөвхөн хоёрхон эх үүсвэрээс санхүүжиж байгаа. Нэг нь улсын төсвийн санхүүжилтээр эрдэм шинжилгээний ажилтнуудынхаа урсгал зардлыг санхүүжүүлж байгаа бол нөгөөх нь Шинжлэх ухаан технологийн сангаас. Энэхүү сан сүүлийн 10 жилд 170 гаруй тэрбум төгрөгийн 4500 орчим судалгаа шинжилгээг санхүүжүүлсэн байна. Харамсалтай нь 4500 судалгаа, шинжилгээ нь бүтэн инновац болж эдийн засгийн эргэлтэд орсон уу гэдэг нь дутагдалтай тал болж байна.

Энэхүү хууль маань Засгийн газраар өргөн баригдсан яг энэ хэлбрээрээр УИХ-аар батлагдаж чадвал Үндсэн хуулийнхаа олон жил алдагдсан агуулгаа засах боломжтой. Хоёрдугаарт шинжлэх ухаан нь салбар дундын зохицуулалт, салбар дундын судалгаа, инновацийн гээд олон талын эх үүсвэрээр судалгаа, шинжилгээ хийгдэж Монгол улсын өрсөлдөх чадвар дээшилнэ гэж бодож байна" гэлээ.

Л.ЭНХ-АМГАЛАН: Монгол улсын өрсөлдөх чадвар дээшилнэ гэж бодож байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2024-04-17 20:40:13

Зочин: Ерселдеенийг боомилж, терийн сургуульд монопол тогтоож, Ундсэн хуулийг уландаа гишгэсэн энэ засаг Боловсролын хуулийг ч хицж чадаагуй, шинжлэх ухааныг буур ч ойлгохгуй, одоо болио!!!

Шинэ мэдээ