УИХ-ын чуулганы нэгдсэн хуралдаанаар Засгийн газрын тусгай сангийн тухай хуульд өөрчлөлт оруулах тухай хуулийн төслийн анхны хэлэлцүүлгийг хийж байна. Энэ үеэр Эрүүл мэндийн сайд С.Чинзориг дараах байр суурийг илэрхийллээ. 

       Тэрбээр "Дотоодод оношилж эмчлэх боломжгүй 26 төрлийн өвчин байдаг. Гадаадад явж эмчлүүлэхэд төлбөр зардлынх нь таван хувийг өгдөг.  Тийм учраас зайлшгүй шаардлагаар гадаадад эмчлүүлсэн тохиолдолд хүүхдэд эмчилгээний төлбөрийнх нь 50 хувийг, насанд хүрэгчдэд 20 хувийг нь олгохоор энэхүү хуулиар зохицуулж байгаа. Төсвийг нь жилд 500 саяар баталж ирсэн. Ирэх жилийнхийг нэг тэрбум болгосон. Мөн бусад санхүүжилтийг нэмэгдүүлээд нийт 11 тэрбумын хүрээнд гадаадад эмчилгээнд явах хүмүүст зарцуулна. Журмыг Засгийн газар батална. Насанд хүрэгчдэд 20 хувь байх уу, 30 хувь байх уу гэдгийг Засгийн газрын хуралдаанаар тооцоо хийж байгаад шийдэж болно" гэв.