Нийслэлийн Засаг дарга бөгөөд Улаанбаатар хотын захирагч Х.Нямбаатар 2009 оноос хойш нийслэлийн нийтийн тээвэрт хийж байсан парк шинэчлэл, худалдан авалтын материалыг АТГ-т шалгуулахаар өгч буй талаар мэдээлэл өглөө. Тэрбээр “2009 онд БНСУ-ын Daewoo корпорацийн 400 автобусаар парк шинэчлэл хийсэн. Захиалагч байгууллага ЗТХЯ нээлттэй тендер, сонгон шалгаруулалт хийлгүй, шууд гэрээний аргаар хийсэн байна. Хамгийн ноцтой нь, улсын төсвийн хөрөнгөөр дээрх 400 автобусыг худалдаж авсан хэрнээ улсын юм уу, нийслэлийн өмчид огт бүртгэлгүй 10 ААН, байгууллагад шууд шилжүүлэн бүртгүүлсэн. Тухайлбал, Автобус1-120 ширхэг, Автобус3-80 ширхэг, Цахилгаан тээвэр 50, Эрдэм транс-30, Автобус нэгдэл-10, Сутайн буянт 30, Мяралзай -8, Тэнүүн-Огоо 50, Тэнүүн дэлгэр-14, атибус 8 ширхэгийг гэх мэт хувааж аваад, тухайн үеийн ханшийн зөрүүнээс нийтдээ 35.6 тэрбум төгрөгийн автобусыг улсын төсөвт мөнгө төвлөрүүлэлгүйгээр шууд ААН, байгууллагын нэр дээр өгсөн байна. Эргэн төлөлтийг цөөхөн ААН, цөөн хувиар төлсөн. Одоогоор 30 гаруй тэрбум төгрөгийн хохирол бодитоор учраад байна" гэсэн юм.

      Тэгвэл Х.Нямбаатарын АТГ-т хотын дарга нартай хамт шалгуулах үе үеийн сангийн сайд нарыг танилцуулж байна. 

Сангажавын Баярцогт 2008 - 2012

Чүлтэмийн Улаан 2012 - 2014

Жаргалтулгын Эрдэнэбат 2014 - 2015

Баярбаатарын Болор 2015 - 2016

Баттогтохын Чойжилсүрэн 2016 - 2017

Чимэдийн Хүрэлбаатар 2017-2021

Болдын Жавхлан 2021-2023 нар автобусны хэргээр шалгуулах нь ээ. Тэднийг зөвхөн ногоон автобусны хэргээр бус 2009 оноос эхлэлтэй 400 автобусны хэргээс эхлэлтэй гэдгийг санах хэрэгтэй.