Хөдөлмөр, Нийгмийн Хамгааллын сайд Х.Булгантуяа төрийн албан хаагчдын цалингийн асуудлаар дараах мэдээллийг өглөө.

Тэрбээр "2022 оны байдлаар төсвөөс цалинжиж буй 225 мянган хүн байна. Үүнээс 152 мянга буюу 67.6 хувийг төрийн үйлчилгээний ажилчид эзэлж байгаа. Төрийн үйлчилгээ дотроо 63 хувь буюу 100 мянга гаруй хүн боловсрол, эрүүл мэнд гэсэн салбарт ажиллаж байна. Төрийн алба хаагчдын цалин хувийн хэвшлийн ажилчдаас 400 гаруй мянган төгрөгөөр бага байдаг. Бид зайлшгүй авч хүрээнд 2017, 2018, 2019, 2020 онд тодорхой хувиар цалин нэмж ирсэн. Төрийн байгууллагын албан хаагчдын цалин хоорондоо маш их ялгаатай. Тиймээс ажлаасаа гарах, зарим салбар хүний нөөцийн дутагдалд ороод байна. Төсвийн тодотгол хийхдээ нэн түрүүнд төрийн нийтлэг үйлчилгээний албан хаагчдын цалингийн ялгаатай байдлыг тэгшитгэх байр суурийг баримталж байгаа. Тооцоо судалгаагаа нэгтгэж байна, тэдний цалинг нэмнэ. Цаашид төрийн албан хаагчдын цалингийн тогтолцоог сайжруулахгүй бол Монгол Улсын 225,000 төрийн албан хаагчаас гадна төрийн өмчит компанийн 75,000 албан хаагч, нийт 300,000 буюу нийт хөдөлмөр эрхэлж буй иргэдийн 26% нь төртэй холбоотойгоор ажил эрхэлж байна. Орон нутагт үйл ажиллагаа явуулж байгаа төсвийн байгууллагуудад төсвөөс 20 хувь, 80 хувь хүртэл өөрсдийн төсвөөс нэмж санхүүжүүлдэг болсон. Орон нутагт үйл ажиллагаа явуулж байгаа босоо удирдлагатай байгууллагуудын нэмэгдэл нь хэвтээ удирдлагатайгаас байгууллагуудаас бага байна. Энэ нь төрийн албан хаагчдын хувьд бухимдал үүсгэсэн. Тэтгэвэр дээр бид тооцоо судалгаа хийж байна. Би сайдын ажлаа аваад нэг сар болж байна. Тэтгэврээс доогуур хэмжээтэй цалин авч байгаа төрийн албан хаагч ч байна” гэлээ.