Т.Бадамжунайг нэг сарын хугацаанд цагдан хорихоор шийдвэрлэжээ

2023-04-07, 865

ХХААХҮ-ийн сайд асан Т.Бадамжунайг АТГ-аа 48 цагийн хугацаатай саатуулсан. Тэгвэл прокуророос таслан сэргийлэх арга хэмжээ авах саналаа шүүхэд хүргүүлсний дагуу Сүхбаатар дүүргийн Эрүүгийн хэргийн анхан шатны шүүх өнөөдөр хуралдлаа. Сайд асан Т.Бадамжунайд цагдан хорих, таслан сэргийлэх арга хэмжээ авах талаар өнөөдөр Сүхбаатар дүүргийн Эрүүгийн хэргийн Анхан шатны шүүхэд хэлэлцсэн байна. Улмаар прокуророос ирсэн саналыг хүлээж авснаар, Т.Бадамжунайг нэг сар цагдан хорих шийдвэр гаргасан гаргаад буй аж.

ҮҮНД:

22.1 дүгээр зүйлийн 1 дэх хэсэг, /Эрх мэдэл, албан тушаалын байдлаа урвуулан ашиглах/,
22.5 дугаар зүйлийн 1 дэх хэсэг, /Хахууль өгөх/,
18.6 дугаар зүйлийн 1 дэх хэсэгт /Мөнгө угаах/, заасан гэмт хэрэгт холбогдуулан яллагдагчаар татсан Т.Бадамжунайд цагдан хорих таслан сэргийлэх арга хэмжээ авхуулах тухай саналыг Сүхбаатар дүүргийн Эрүүгийн хэргийн анхан шатны шүүхэд ирүүлсэн юм.

Уг хүсэлтийг өнөөдөр буюу 2023 оны дөрөвдүгээр сарын 7-ны өдөр хянан хэлэлцэж яллагдагч Т.Бадамжунай нь Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.3 дахь заалтад заасан буюу “гэмт хэрэг үйлдэж болзошгүй талаар үндэслэл бүхий баримт, мэдээлэл байгаа” гэсэн үндэслэлээр түүнийг яллагдагчаар нэг сарын хугацаагаар цагдан хорих таслан сэргийлэх арга хэмжээ авч шийдвэрлэжээ.

Т.Бадамжунайг нэг сарын хугацаанд цагдан хорихоор шийдвэрлэжээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид