УИХ-ын намрын чуулганаар өргөн барьсан төсвийн асуудлаар Ардчилсан Нам гишүүд байр сууриа илэрхийллээ. Энэ үеэр УИХ-ын гишүүн Ц.Туваан дараах байр суурийг илэрхийллээ.

Тэрбээр "Сангийн сайд төсвийн талаар Ардчилсан Намын бүлэг дээр ирж танилцуулга хийлээ. Үүн дотор анхаарал хандуулсан гурван асуудал байна. Тийм учраас энэ талаар байр сууриа илэрхийлье. Нэгдүгээрт цалингийн асуудал. Ардчилсан нам төрийн захиргааны  хангамж, инфляцийн өсөлтэй холбоотой асуудлыг олон тавьсан. Энэ удаагийн төсөвт орон нутагт ажиллаж байгаа төрийн захиргааны алба хаагчдын цалинг 100 хувь нэмэх боломжийг нээнэ.  Гэхдээ 20 хувийг улсын төсвөөс, үлдсэнийг орон нутгаас гаргана.  Мөн цалингийн ялгаатай байдал, шатлалыг өөрчилсөн байгаа нь ажиглагдаж байна. Хүүхдийн мөнгийг Ардчилсан нам анх санаачилж, нийгэмд хүргэсэн. Хүүхдийн мөнгө бол хангамж биш, баялгийн хуваарилалт юм.  Үүнийг халамж гэж ойлгоод хасах шийдвэр гарсан байна. Үүнийг манай нам бүлэг дотроо нухацтай ярих болно” гэв.