МАН-ын Удирдах зөвлөлийн хурал Төрийн ордонд болж байгаа. Тус хурлаар УИХ-ын гишүүн Д.Амарбаясгалан, Н.Учрал, Ч.Хүрэлбаатар, С.Бямбацогт, Ж.Ганбаатар, Д.Сарангэрэл, Б.Чойжилсүрэн, Ж.Сүхбаатар, Х.Болорчулуун, Б.Бат-Эрдэнэ нарыг сайдаар томилох санал оруулжээ.

                                     Энэ талаар УИХ дахь МАН-ын бүлгийн дарга Д.Тогтохсүрэн хэвлэлд мэдээлэл өгөх үеэрээ “Удирдах зөвлөлөөс шинэ Засгийн газрын бүрэлдэхүүнд одоо байгаа Засгийн газрын гишүүдээс найман сайдыг чөлөөлж, УИХ-ын гишүүн найм сайдыг томилох санал оруулсан. Мөн асуудал эрхэлсэн, яамгүй хоёр сайд томилох гээд нийт 10 сайд томилох санал ярьж байна” гэв.

Саналаас, ЗГХЭГ-ын даргаар Д.Амарбаясгалан, Спорт, олимпизм хариуцсан сайдаар Б.Бат-Эрдэнэ, Эдийн засаг, хөгжлийн сайдаар Ч.Хүрэлбаатар, Нийгмийн хамгаалал, хөдөлмөрийн сайдаар Д.Сарангэрэл, Зам тээврийн хөгжлийн сайдаар С.Бямбацогт, Хүнс, хөдөө аж ахуй, хөнгөн үйлдвэрийн сайдаар Х.Болорчулуун, Цахим хөгжил, харилцаа холбооны сайдаар Н.Учрал, Эрчим хүчний сайдаар Б.Чойжилсүрэн, Уул уурхай, хүнд үйлдвэрийн сайдаар Н.Ганбаатар, Хот хариуцсан сайдаар Ж.Сүхбаатар нарыг томилохыг дэмжсэн байна.