Үндсэн хуульд нэмэлт, өөрчлөлт оруулсан зарим зүйл заалт Үндсэн хууль зөрчиж байгаа асуудлаар УИХ-ын гишүүн Н.Ганибал, Ш.Адьшаа нар Үндсэн хуулийн цэцэд хандсан. Тэгвэл гишүүдийн гомдлоор Үндсэн хуулийн цэц маргаан үүсгэсэн бөгөөд уг асуудлыг Их суудлын хуралдаанаар өнөөдөр хэлэлцлээ.  Цэцээс гаргасан шийдвэрийн талаар УИХ-ын гишүүн Т.Доржханд танилцуулсан юм.

Тэрбээр “Өнөөдөр манай улсын парламентын түүхт чухал өдөр тохиож байна. Үндсэн хуулийн цэцийн Их суудлын хуралдаанаар хоёр асуудал хэлэлцлээ. "Засгийн газрын дөрвөөс илүүгүй гишүүн Улсын Их Хурлын гишүүний албан тушаалыг хавсарч болно” гэж өөрчлөн найруулсан Үндсэн хуулийн нэмэлт, өөрчлөлтийн заалт Үндсэн хууль зөрчсөн гэж  ҮХЦ үзлээ. Сайдууд давхар эсвэл дан дээлтэй байхыг Ерөнхий сайд дангаараа шийдэх эрхтэй. Гэтэл Үндсэн хуульд дөрвөөс илүүгүй гишүүн гэж тоо заасан. Ерөнхий сайд хэн нэгнээс, аль нэг фракцаас хамааралгүйгээр багаа буюу танхимаа бүрдүүлэх учиртай. Цэц энэ асуудалд цэг тавилаа. Учир нь Цэцийн шийдвэртэй хэн ч маргахгүй. Цаашид Засгийн газрын бүрэлдэхүүнд давхар дээлтэй сайдыг өөрчлөгдөх бол УИХ-ын гишүүдийн тоог эргэж харах нь зөв. Үндсэн хуульд нэмэлт өөрчлөлт оруулахдаа давхар дээлтэй сайдуудтай болохыг бид зориогүй” гэв