• Өнөөдөр 2024-03-29

Я.Содбаатар: БНХАУ-аас ажиллах хүч оруулж ирэхийг он дуустал хориглосон

2020-11-05,   815

Хятадын иргэд манай улсад олноор орж ирж байгаад иргэд шүүмжлэлтэй хандаж байгаа. Цар тахлын энэ үед гадаадаас тэр дундаа Хятадаас ажиллах хүч ихээр оруулж ирэх нь дотооддоо халдвар алдах эрсдэлтэй гэж иргэд үзэж байгаа юм. Цаашид гадаадаас хэчнээн ажиллах хүч оруулж ирэх талаар Шадар сайд Я.Содбаатараас тодрууллаа. Тэрбээр “Засгийн газар гадаадаас ажиллах хүч авахгүйгээр дотоод ажиллах хүчиндээ түшиглэж ажиллах зорилт тавьж байгаа. Тийм учраас сүүлийн дөрвөн жилд гаднаас авах ажиллах хүчний тоог 40 орчим хувиар бууруулсан.

Мөн энэ жил “ковид-19” цар тахалтай холбогдуулан гадаадаас авах ажиллах хүчний тоо эрс багассан. Гэхдээ Дархан, Налайхын зам, Цэвэрлэх байгууламж, Хан-Уул дүүрэгт баригдах Эх нялхас-2, Эрчим хүчний төслүүд гэх мэт олон төсөл хөтөлбөрийг хэрэгжүүлэхэд гадаадын ажиллах хүч оруулж ирэх шаардлагатай байна. Тийм учраас бид зөвхөн удирдах ажилтан, инженер техникийн  ажилтан оруулж ирж байгаа. Монгол хүний хийж чадах ажилд гадаадаас хүн авахгүй байгаа. Өнөөдрөөс эхлэн БНХАУ-аас ажиллах хүчин оруулж ирэхийг он дуустал хориглож байна. Одоогийн байдлаар хятадаас 1000 гаруй иргэн манай улсад орж ирээд байгаа” гэв.

 


Я.Содбаатар: БНХАУ-аас ажиллах хүч оруулж ирэхийг он дуустал хориглосон
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2020-11-06 20:46:03
    бадам: хятадаас ирсэн 1000 хүнээ хаана байрлуулж, хэрхэн шинжилгээ хийсэн талаар мэдээлдэггүй байсан шүү дээ
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188