“Эрдэнэт” үйлдвэр ТӨҮГ-ын удирдлагууд үйлдвэрийн мөнгийг хувьдаа зарцуулсан гэх баримтуудыг ил болгосоор байгаа билээ. Тухайлбал, Ерөнхий захирал Х.Бадамсүрэн охиныхоо сургалтын төлбөр болох 100 гаруй сая төгрөгийг үйлдвэрийн данснаас төлсөн байдаг. Мөн орлогч захирал Д.Дэлгэрбаяр нь эмчилгээний зардал 200 гаруй сая төгрөгийг төлүүлсэн гэх зэрэг тэрбумаар яригдах баримт нь олон нийтэд ил болоод байгаа юм. Тэдний бас нэгэн баримтыг “Шилэн” Цогоо ил болгожээ. Тодруулбал, Ерөнхий захирал Х.Бадамсүрэн уран зураг авахаар урьдчилгаа 8 сая 132 мянга 475 төгрөгийг үйлдвэрийн данснаас шилжүүлжээ. Түүнчлэн 2018 онд хандив  нэрээр 755.287.164 төгрөг, 2019 онд Хандивт 4 тэрбум 731 сая 567 мянга 246 төгрөгийг өгсөн байна.