Чуулганы нэгдсэн хуралдаан үргэлжилж байна. Өнөөдрийн хуралдаанаар 14 асуудлын талаар хэлэлцэхээр товлоод буй юм. Хуралдааны үеэр УИХ-ын гишүүн Б.Пүрэвдорж дараах байр суурийг илэрхийллээ.

Тэрбээр "2011 онд батлагдсан Хүнсний тухай хуулиар махыг квоттой болгосон. Үүнээс хойш 10 гаруй сайд махны квотын асуудлыг яриагүй. Дээр нь нэмээд 2016 онд гадаадын хөрөнгө оруулалттай махны үйлдвэр нэг ч байгаагүй. Гэтэл өнөөдөр хэд болов. Үүнийг нэгдсэн зохицуулалттай шийдвэрлэх хэрэгтэй. Тиймээс Засгийн газар махны асуудлыг нэг мөр шийдвэрлэх ёстойг сануулж байна. 2021 онд зуд болж нөөцөлсөн махнууд үйлдвэрт орж, дулааны аргаар боловсруулагдсан. Энэ махыг зах зээл рүү оруулж байгаа нь утгагүй асуудал. 4000 тонн адууны мах ч байгаа. Халуун зунаар адууны мах иддэг монгол хүн байхгүй. Тэгэхлээр эдгээр махуудыг экспортод оруулж борлуулах ёстой. Махны салбар 250 мянган өрхийн орлогыг нэмэгдүүлдэг салбар учир махны үйлдвэрийг дэмжиж ажиллахыг хүсч байна. Хэрэв махны үйлдвэрлэл зогсвол хүнс, хөдөө аж ахуйн салбарт эдийн засгийн хүндрэл учрах эрсдэлтэй" гэлээ.