Монгол Улсын Засгийн газрын ээлжит хуралдаан өнөөдөр боллоо. Засгийн газрын ээлжит хуралдаанаас гарсан шийдвэрийг Эрүүл мэндийн сайд С.Энхболд танилцуулав.

                       Эрүүл мэндийн сайд С.Энхболд “Манай улсад уналт, таталттай хүүхдүүд хөнгөлөлттэй үнээр эмээ авдаг. Тэгвэл өнөөдрийн Засгийн газрын ээлжит хуралдаанаар Монгол Улсад ашиглагдаж байгаа олон улсын программын дагуу хэрэглэж байгаа эмийг 100 хувь төр даах шийдвэр гарлаа. Уг шийдвэр Эрүүл мэндийн даатгалын үндэсний зөвлөлөөр баталгаажих ёстой. Бид судалгаагаа үргэлжлүүлж, энэ сардаа багтааж энэ тогтоолыг албажуулах болно.

Мөн уналт, таталтын эсрэг булчин суллах эм тасраад хоёр жил болж байгаа хөгжлийн бэрхшээлтэй хүүхдүүдийн эцэг, эх Төрийн ордны өмнө жагссан. Би хүүхдүүдийн эцэг, эхтэй Төрийн ордны дэргэд жагсахаас өмнө уулзсан. Хүүхдүүдийн эцэг, эхтэй ордны өмнө жагсахаас өмнө уулзсан. Энэ хугацаанд Эрүүл мэндийн яам ажлаа хийгээгүй биш, хийсэн. Энэ сард уналт, таталтын эм Швейцараас орж ирэхээр болсон” гэлээ.