• Өнөөдөр 2025-04-19

ЕРӨНХИЙЛӨГЧ У.ХҮРЭЛСҮХ: Хүнс эрүүл бол монгол хүн эрүүл байна

2022-05-13,   575

УИХ-ын чуулганы өнөөдрийн хуралдаанд Монгол Улсын Ерөнхийлөгч У.Хүрэлсүх хүнсний хангамж, аюулгүй байдлын асуудлаар мэдээлэл хийлээ.

 
Тэрбээр “Бүс нутагтаа органик хүнс экспортлогч орон болох зорилтыг ханган хэрэгжүүлэхэд Ерөнхийлөгч миний бие УИХ-ын чуулганы хуралдаанд оролцож байна. Хүнээ хамгаалах, хөгжүүлье гэвэл хүнсээ сайжруулах ёстой. Хүнс эрүүл бол монгол хүн эрүүл байна. Монгол хүн эрүүл бол Монгол Улс хүчирхэг байна. Тийм учраас эрүүл хүнсээр хүн амийг жигд хангах нь чухал асуудал. Өнөөдөр дэлхий дахинд үүсээд буй нөхцөл байдал, бараа бүтээгдэхүүний хомстол, цар тахал зэргээс үүдэн хүнсний аюулгүй байдал улс орон бүрийн өмнө тулгамдсан асуудал болоод буй нь нууц биш. Манай хоёр хөрш хүн амынхаа хүнсний хангамж, аюулгүй байдалд ихээхэн анхаарч байна. БНХАУ-ын дотоодын хүнсний хангамж 2030 хүн хүртэл буурах хандлагатай байна. Манай улстай хүн ам, эдийн засгийн хувьд ойролцоо Казахстан улс цаашид үр тариа, гурилын экспортоо хязгаарласан мэдээ байгаа. Манай стратегийн түнш болох Япон, Солонгос хүнсний хангамж, аюулгүй байдалдаа онгой анхаарч эхлээд байна.
 
Манай улс хүнсний бүтээгдэхүүнийхээ 50 хувийг гаднаас авч байна. Өнгөрсөн онд нэг тэрбум ам.долларын хүнсний бүтээгдэхүүнийг гаднаас авсан. Үүнд гурилан бүтээгдэхүүний 33, сүү, сүүн бүтээгдэхүүний 40 орчим, өндөгний 50 орчим хувь, загас, будаа, ургамлын тос, тахианы мах, хүнсний давсаа хүртэл 100 хувь гаднаас авч байна. Хэдий болтол давсаа хүртэл айлаас гуйж амьдрах юм бэ" гэв.

ЕРӨНХИЙЛӨГЧ У.ХҮРЭЛСҮХ: Хүнс эрүүл бол монгол хүн эрүүл байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.