Баянгол дүүргийн ИТХ-д сонгогдсон эрхмүүд үнэмлэхээ авахаар БГД-ийн ЗДТГ-ын байранд цугларсан. Тодруулбал, МАН-ын 20, АН-ын 18, ХҮН-ын хоёр нэр дэвшигч, мөн МАХН-аас нэр дэвшиж ялалт байгуулсан ч өчигдөр МАН-д элссэн Э.Магнайбаяр нар үнэмлэхээ гардан авчээ.

Харин тус байранд БГД-ийн 23 дугаар хорооны иргэд цугларан, Э.Магнайбаяр руу гурил цацаж, өндөг шидэж эсэргүүцлээ илэрхийлж байна. Учир нь МАХН-д итгэл үзүүлэхээр Э.Магнайбаярд санал өгсөн боловч тэрбээр ялсныхаа дараа МАН-д элссэн нь увайгүй үйлдэл хэмээн иргэд үзэж байгаа аж.