ОХУ-аас Монгол Улсад суугаа Онц бөгөөд Бүрэн эрхт Элчин сайд И.К.Азизовыг огцрохыг шаардсан иргэд ОХУ-ын Элчин сайдын яамны гадна “No War” эсэргүүцлийн жагсаал хийж байна.

            Энэ сарын 24-нд ОХУ-аас Монгол Улсад суугаа Онц бөгөөд Бүрэн эрхт Элчин сайд И.К.Азизов нь өөрийн албан ёсны цахим хуудастаа “Монголын Ардчилсан Намын гишүүд болон АНУ-ын либерал ноёрхлыг дэмжигчдийн анхааралд" гэсэн нийтлэл оруулсан нь цахим сүлжээнд шүүмжлэл дагуулаад байсан. Тэгвэл өнөөдөр Монголд суух ОХУ-ын Элчин сайдын яамны гадна иргэд Элчин сайд И.К.Азизовыг уучлал гуйж, огцрохыг шаардан эсэргүүцлийн жагсаал хийж байгаа юм.