Хөгжлийн банкнаас зээл авсан 26 чанаргүй зээлдэгчийн дотор БСШУ-ны сайд асан, Элчин сайд асан Ё.Отгонбаярын эхнэрийн хамаарал бүхий компани багтсан байдаг. Тус компани нь Хөгжлийн банкнаас 17.7 тэрбум төгрөг зээлж, одоог хүртэл уг төлбөрөө төлөөгүй байгаа юм.

            Харин тус мэдээллийг ил болгосон сэтгүүлчдийг өчигдөр Ё.Отгонбаяр өөрийн твиттер хуудсаараа дамжуулан “Гэр бүл салгасан тул ална” хэмээн сүрдүүлсэн байдаг. Мөн сэтгүүлчид өнөөдөр хэвлэлийн бага хурал зарлаж, Ё.Отгонбаярыг цагдаагаар шалгуулж, хашиж буй албан тушаалаас нь чөлөөлөх, Хөгжлийн банкнаас авсан 17.7 тэрбум төгрөгийн зээлээ төлөхийг шаардсан юм.

Тэгвэл өнөөдөр МАН-ын Нарийн бичгийн дарга нарын зөвлөгөөний хурлаар Ё.Отгонбаярт хариуцлага тооцож, МАН-ын даргын зөвлөхийн албан тушаалаас чөлөөлөх шийдвэр гаргажээ.