Монгол Улсын Засгийн газрын ээлжит хуралдаан өнөөдөр болсон. Засгийн газрын хуралдаанаас гарсан шийдвэрийг Боловсрол, шинжлэх ухааны сайд Л.Энх-Амгалан танилцуулж байна.

          Тэрбээр “Өнөөдөр Засгийн газрын хуралдаанаар сурагчдын хичээл эхлэх хугацааг долоо хоногоор сунгахаар шийдвэрлэсэн. Сургууль, цэцэрлэг хоёрдугаар сарын 14-нөөс цахим болон танхим хосолсон буюу 5/9-ийн зарчмаар хичээллэхээр болсон. Харин ногоон бүс байгаа бүс нутаг, сумдад сургууль, цэцэрлэгийг 100 хувь танхимаар хичээллэх юм.

          Нийт сурагчдын 60 хувь нь хичээлийн хоцрогдолтой байна. Тиймээс бид нэг өдөр ч болтугай илүү танхимаар хичээллүүлэхийг хичээж байгаа. Мөн надад хоёрдугаар сарын 28-наас сурагчдын хичээлийг 100 хувь танхимаар хичээллүүлэх үүрэг өгсөн” гэв.