Монгол Улсын Засгийн газрын ээлжит хуралдаан өнөөдөр болсон. Засгийн газрын ээлжит хуралдаанаас гарсан шийдвэрийг Хүнс, хөдөө аж ахуй, хөнгөн үйлдвэрийн сайд З.Мэндсайхан танилцууллаа.

Тэрбээр “Засгийн газрын хуралдаанаар бараа, бүтээгдэхүүн татан авах хил, гаалийн боломжийг нэмэгдүүлэхээр шийдвэрлэсэн. Энэ хүрээнд Гашуунсухайт, Ханги боомтоор хүнс болон гол нэрийн бараа, бүтээгдэхүүн импортлох нөхцлийг бүрдүүлнэ. Мөн тус хоёр боомтод Мэргэжлийн хяналтын байгууллагаас хүнсний лаборатори байгуулах, хүнс болон эм, эмнэлгийн хэрэгслийг авто тээврээр нэвтрүүлэх боломжийг энэ долоо хоногт багтаан шийдвэрлэхээр боллоо.  

          Үүнтэй холбоотойгоор Улаанбаатар хотын 30-аас доошгүй цэгт ил задгай болон агуулахын худалдааг бий болгохоор болсон” гэв.