БШУ-ны сайд Л.Энх-Амгалан мэдээлэл хийлээ.

            Тэрбээр “Оюутан залууст тэтгэлэг, сургалтын төлбөрийн хөнгөлөлттэй зээл, тусламж  олгодог Боловсролын зээлийн сан цар тахал гарснаас хойш алдагдалтай ажиллаж байгаа. Тус байгууллага нь манай улсын 147 мянган оюутны ердөө 11 хувьд нь хүртээмжтэй байдаг. Бид ирэх хавраас Боловсролын зээлийн сан нийт оюутны 30 хувьд хүрч ажилладаг болгохоор ажиллаж байна.  Сургалтын төлбөрийн санхүүжилт нь 10202 оюутан хамардаг дотоод зээл, 323 оюутан хамардаг гадаад зээл, 18 мянган оюутан хамруулдаг буцалтгүй тусламж гэсэн гурван хэлбэртэй байдаг.

            Манай Боловсролын зээлийн сангаас хүүхдийн мөнгөнд нэлээд их хөрөнгө татагдаж байгаа. Гэвч бид өмнөх шигээ сургалтын төлбөрийн буцалтгүй тусламж олгоно. Өнөөдөр буцалтгүй тусламж авдаг 6146 оюутан байдаг. Эдгээр залууст шаарлагатай байгаа төлбөрийг нь бүрэн бүтэн өгнө. Мөн өндөр оноотой, багш мэргэжлээр суралцдаг 1500 оюутны төлбөрийг урьдын ажил үргэлжлэн төлнө. Үүнээс гадна Засгийн газар хоорондын гэрээгээр буюу гадаадад суралцдаг оюутнуудын төлбөр хэвийн үргэлжилнэ. Хамгийн их санаа зовж буй зүйл бол дэлхийн топ 100 сургуульд суралцдаг оюутнууд.

             Цөөхөн хэр нь Боловсролын зээлийн сангийн нийт зардлын 50 хувийг эдгээр оюутны төлбөрт зарцуулдаг. Өөрөөр хэлбэл, 323 оюутанд 20 тэрбум төгрөг төсөвлөдөг. Үүнийг шударга бус явдал гэж би харж байгаа. Цаашид гадаадын их, дээд сургуульд магистр, доктор зэрэг ахисан шатны түвшинд суралцаж буй оюутнуудад боломж олгох ёстой гэсэн байр суурьтай байна.  Үүнд аль нэг дарга, хөрөнгө чинээтэй хүний хүүхдүүд багтдаг гэсэн хардлага нийгэмд байдаг. Иймээс бид бүх мэдээллийг нийтэд ил тод дэлгэж байгаа. Та бүгд хэний хүүхэд, аль сургуульд, ямар нөхцлөөр зээлийн санд хамрагдсаныг орж хараарай” гэв.

Өөрөөр хэлбэл, 323 оюутанд 20 тэрбум төгрөг төсөвлөдөг. Үүнийг шударга бус явдал гэж би харж байгаа.