Монгол Улсын Засгийн газрын ээлжит хурал өнөөдөр буюу наймдугаар сарын 25-ны өдөр болж байна. Тэгвэл ээлжит Засгийн газрын хуралдаанаас гарсан шийдвэрийг Эрүүл мэндийн сайд С.Энхболд танилцууллаа.

Тэрбээр  "Сургууль нэгдүгээр ангийн 100 сурагчтай гэж бодоход 5-6 сурагчаас шинжилгээ авна. Бүх хүүхдээс авна гэж ойлгож болохгүй. Мөн шинжилгээг хамраас авахгүй, залгиураас авах боломжтой. Иммуноглобулиныг 2000 оны эхээр манай улс үйлдвэрлэдэг байснаа зогсоосон. Одооноос дахин үйлдвэрлэж эхлэхээр судалж байна.

Иммуноглобулиныг аль ч насны хүнд хийж болдог бөгөөд дархлааны системийг дэмждэг. Хэрэв иммуноглобулиныг үйлдвэрлэлийг нэмэгдүүлбэл хүүхдүүддээ хийх боломжтой болно гэж үзэн судалгааны ажлаа эрчимжүүлж байна. Монгол Улсад батлагдаж буй халдварын 25-30 хувийг хүүхдийн эзэлж байгаа бөгөөд вакцинжуулалттай холбоотойгоор 12-17 насныхан халдвар авах нь буурч байгаа” хэмээсэн юм.