Монгол Улсын Засгийн газрын ээлжит хурал өнөөдөр буюу наймдугаар сарын 25-ны өдөр болж байна. Уг хуралдаанаар гамшгийн үеийн улбар шар түвшин буюу өндөржүүлсэн бэлэн байдлын хугацааг сунгах эсэх талаар хэлэлцсэн.

Тэгвэл ээлжит Засгийн газрын хуралдаанаар УОК-оос гаргасан өндөржүүлсэн бэлэн байдлын зэргийг арванхоёрдугаар сарын 31-нийг хүртэл буюу энэ оныг дуустал сунгах саналыг дэмжжээ. Өндөржүүлсэн бэлэн байдлын хугацаанд Чингисхаан боомтоос бусад боомтод өөрчлөлт орохгүй талаар Ерөнхий сайдын хэвлэлийн төлөөлөгч Ч.Болортуяа мэдээлэв.