Монгол Улсын Засгийн газрын ээлжит хуралдаан өнөөдөр буюу наймдугаар сарын 18-ны өдөр болсон. Ээлжит хуралдаанаас гаргасан шийдвэрийг Сангийн сайд Б.Жавхлан танилцууллаа.

Тэрбээр "Нийгмийн дундаж давхарга нь олон улсын тодорхойлолтоор харилцан адилгүй байдаг. Монгол Улсад нийгмийн дундаж давхаргыг 1-3 сая хүртэлх орлоготой хэсгийг үзэж байна. Тийм учраас бид нийгмийн дундаж давхаргад үйлчилнэ.

           Төрийн банкаар дамжуулан нийгмийн дундаж давхаргыг шинээр бий болгох, бойжуулах эрэлт хэрэгцээг хийнэ. Тус банкны чиг үүргийг нэмэлтээр тодорхойлж байна.

           Хөгжлийн банк нь бие даасан хуультай хуулийн этгээд. Тиймээс тус банкийг одоо байгаа хуулийн хүрээнд экспорт, импортын чиг баримжаатайгаар түлхүү хөгжүүлэх хөгжлийн өөрчлөлтүүдийг дүрмийн хүрээнд хийлээ" гэсэн юм.