Хууль зүйн байнгын хорооноос УИХ-ын хаврын чуулганы хугацаанд хийсэн ажлын тайланг танилцуулж байна. Энэ үеэр Өршөөлийн тухай хуулийн төслийн хэрэгжилтийн талаар Хууль зүйн байнгын хорооны дарга С.Бямбацогт мэдээлэл өглөө. Тэрбээр “Байнгын парламенттай болсны 25 жилийн ойгоор 2015 онд Өршөөлийн тухай хууль баталж байсан. Түүнээс өмнө 2000 оны Өршөөлийн тухай хуулиар 985 хоригдол суллаж, 887 хоригдлын хоригдох хугацааг хасаж байсан. 2006 онд 7500 хоригдлын 50 хувьд өршөөл үзүүлж байсан бол 2009 онд 2440 хориглол суллаж, 831 хоригдлын ялыг хөнгөлсөн. Харин 2015 оны Өршөөлийн тухай хуулиар нийт хоригдлын 54 хувьд өршөөл үзүүлж байсан. Энэ оны Өршөөлийн тухай хуулийн санал УИХ-д орж ирэхэд нийт хоригдлын 16 хувийг өршөөх байсан. Энэ нь 4175 хоригдлын 150-г суллах, 371 хоригдлын ялыг зорчих эрхийг хязгаарлахаар солих, 128 хүний ялаас хоёр жил хасах, өсвөр насны 25хүүхдийн ялыг чөлөөлж, нийт 709 хүнийг өршөөлийн хуульд хамрууоахаар тусгасан гэсэн үг. Үүнийг УИХ хэлэлцэж 46 хувь болгож, нийт 1841 хоригдолд өршөөл үзүүлэхээр дэмжсэн” гэлээ. Мөн тэрбээр үргэлжлүүлэн “Энэ онд баталсан Өршөөлийн тухай хууль нь хоёр үндэслэлтэй. Эхнийх нь, цар тахлын нөхцөлтэй холбоотойгоор хоол хүнс, орон байрны байдлаас хамаарч хоригдлуудын амь нас эрсдэлтэй байгаа. Энэ тухай ДЭМБ, НҮБ-ээс зөвлөмж ирсэн. Хоёрдугаарт, Хүннү гүрэн байгуулагдсаны 2230 жил, Ардын хувьсгалын 100 жилийн ой тохиож байна. Тэгш ой тохиосон үед өршөөл үзүүлж байсан түүх байдаг. Тухайлбал, Ардын хувьсгалын 50 жилийн ойгоор шоронд долоон хүн үлдэж байсан гэдэг” хэмээн ярилаа. Ийнхүү тус хуулиар 141 хүнийг шууд суллаж, 1128 хүнийг ялыг зорчих эрхийг хязгаарлахаар сольж, 184 хүнийг хоригдох хугацаанаас хоёр жил хасах юм байна

Өршөөлийн тухай хуульд

1.       Авлига, хээл хахуулийн хэрэг

2.       Хүчингийн хэрэг

3.       Эдийн засгийн эсрэг гэмт хэрэг буюу мөнгө угаасан гэмт хэрэг

4.       Зорчих эрхийг хязгаарлах, хулгайн гэмт хэргийн хохирлыг бүрэн барагдуулах

5.       Өршөөлийн хуульд өмнө нь хамрагдсан ч дахин гэмт хэрэг үйлдсэн

6        Эрүүгийн хуулийн суурь зарчмыг зөрчсөн тохиолдолд хамрагдах боломжгүй. Мөн энэ хуульд өршөөлөөр суллагдсан иргэд хохирлоо заавал барагдуулах тухай тусгасан гэв.