С.БАЯР: Зуун жилийн зуншлага тасархай байна

2021-07-07, 559

Ерөнхий сайд асан С.Баярыг суллах шүүх хурал долдугаар сарын 5-ны өдөр болж, түүнийг магадлангаар суллагдаад буй. С.Баяр нь Булган аймгийн Булган суманд байрлах 439 дүгээр хаалттай хорих ангид ял эдэлж байсан юм.

Тэрбээр цахим хуудсаараа дамжуулан "Монгол жиргээ сайн байна уу. Гарах өдөр ирж, хуучин ёсоор хээр өнжлөө. Зуун жилийн зуншлага тасархай байна. Гадна дотроосоо тувт халсаар урд шөнө Улаанбаатартай золгов. Эзгүйд ч гэлээ дэмжсээр ирсэн олонд мэхийн сөгдье. Хар цагаан хэлээс хамгаалж асан нөгөө хэддээ ч бас ёсолъё. Эрүүл байвал..." гэжээ.

Хэргийг эргэн сануулбал, түүнийг албан тушаалын байдлаа ашиглан Петровисын шатахууныг Оюутолгойд шахахад нөлөөлсөн, АНУ-д хууль бусаар дөрвөн үл хөдлөх хөрөнгө худалдан авсан, мөнгө угаасан гэх хэрэгт буруутгаж, ял оноосон билээ.

С.Баярт анхан шатны шүүхээс таван жилийн хорих ял оноогоод байсан. Харин нийслэлийн Давж заалдах шатны шүүхээс таван жилийн ялыг бууруулж, 2.6 жилийн ял оноосон юм.

С.БАЯР: Зуун жилийн зуншлага тасархай байна

Шинэ мэдээ

Нийтлэлчид