Хууль зүй, дотоод хэргийн сайд Х.Нямбаатараар ахлуулсан ажлын хэсэг Замын-Үүд боомтод ажиллаж байна. Тодруулбал, Ерөнхий сайд Л.Оюун-Эрдэнэ өнгөрсөн амралтын өдрүүдэд Замын-Үүд боомтод ажиллаж хариуцлагатай ажиллах үүрэг, чиглэлийг өгсөн.

Тэгвэл өнөөдөр ХЗДХ-ийн сайд Х.Нямбаатараар ахлуулсан ажлын хэсэг Замын-Үүд суманд ажиллаж байна. Тус ажлын хэсэгт Авлигатай тэмцэх газар боон ЦЕГ-ын алба хаагчид багжээ.

Энэ талаар Х.Нямбаатар сайд олон нийтэд хандан мэдээлэл өгөхдөө “Цар тахлын нөхцөл байдлаас үүдэж Замын-Үүд боомтод “үүрлэсэн” авлигын сүлжээтэй Засгийн газар тэмцэж эхэллээ” гэв.

Ажлын хэсгийн дүгнэлтээр ажлын хариуцлага алдсан нэр бүхий албан тушаалтнуудыг үүрэгт ажлаас нь чөлөөлжээ.

Тухайлбал:                                                                                                                     

• Замын-Үүд дэх Гаалийн газрын дарга Д.Зоригоог үүрэгт ажлаас нь чөлөөлж, Улаанбаатар хот дахь Гаалийн газрын даргын үүргийг түр орлон гүйцэтгэгч Б.Отгонсүхийг

• Хилийн цэргийн 0108-р ангийн захирагч, хурандаа Б.Нямбатыг үүрэгт ажлаас нь чөлөөлж, В.Намхайнямбууг

• Авто тээврийн Үндэсний төвийн Замын-Үүд дэх салбарын дарга А.Хатансайханыг үүрэгт ажлаас нь чөлөөлж, Дорноговь аймгийн Авто тээврийн төвийн дарга н.Сүхбаатар ажиллана.

• Замын-Үүд боомт дахь Хилийн мэргэжлийн хяналтын албаны даргын үүргийг түр орлон гүйцэтгэгч С.Цогбадрахыг үүрэгт ажлаас нь чөлөөлж, НМХГ-ын дарга Л.Эрдэнэчулууныг тус тус томилон ажиллуулахаар болжээ.

Мөн Замын-Үүд дэх сум дундын цагдаагийн хэлтсийн замын цагдаагийн дарга, цагдаагийн хошууч, Х.Уранбаярыг үүрэгт ажлаас нь чөлөөлжээ. Одоогоор түүний орны хүнийг томилоогүй байгаа аж.