Ерөнхийлөгч Х.Баттулгын зарилгаар Ардчилсан хувьсгалын салхийг "хагалж", өөрчлөлтийг эхлүүлсэн ардчилсан хүчний анхдагч МоАХ-д Монгол Улсын Баатар цолж хүртээжээ.

Монголын Ардчилсан холбооны анхны цуглааны түүхээс:

Тэртээ 1989 оны арванхоёрдугаар сарын 10-нд Монголын Ардчилсан холбоо байгуулагдаж, ерөнхий зохицуулагчаараа Санжаасүрэнгийн Зориг агсныг сонгож байжээ. Тэд анхны цуглаанаа Хүүхэд, Залуучуудын соёлын төвийн үүдэнд зохион байгуулснаар Монголд ардчилсан хувьсгал эхэлсэн хэмээн үздэг. МоАХ цуглаанаас “Эрдэнэтээс Орос цэргийн ангийг гаргах, Тосон Заамарын алтны уурхайг ашиглахгүй байх, Эрдэнэт үйлдвэрийг үндэсний үйлдвэр болгох, баригдаж байгаа Эсгий, эсгий гутлын үйлдвэрийг барихгүй байх, Мод дамжуулах үйлдвэрийг нэн даруй хаах” шаардлага гаргаж, холбогдох байгууллагуудад хүргэж байсан аж.