2025  оны төсвийн төсөлд Монгол Улсын Ерөнхийлөгч хориг тавьснаар Засгийн газар төсвийг  шинээр боловсруулан УИХ-д өргөн мэдүүлсэн. Тодруулбал, төсвийн алагдлыг 2.3 их наяд төгрөгөөр бууруулж, тэвчиж болох зардлуудыг танаж, төсвийн үр ашиггүй төсөл хөтөлбөрүүдийг хойшлуулах, цуцлах арга хэмжээг аваад юм.

       Төсвийн төслийг яаралтай горимоор хэлэлцүүлж,  хоёрдугаар хэлэлцүүлгийг өнгөрсөн баасан гарагийн УИХ-ын чуулганы нэгдсэн хуралдаанаар хийсэн. Энэ үеэр Соёл, спорт, аялал жуулчлалын сайд Ч.Номингийн 18.3 тэрбум төгрөгийн ваучер олгохтой холбоотой төсвийг тойрсон асуудал дуулиан дэгдээлээ. . Гишүүдийн хувьд ганц ваучерын төслөөс болж, соёлыг дэмжих хуулийн төслүүдийг унагааж болохгүй гэдэг үүднээс уг төслийг дэмжсэн гэдгээ илэрхийлээд байгаа юм. Тодруулбал, соёлын ваучрыг хассанаар Соёлын тухай хууль болон Соёлын бүтээлж үйлдвэрлэлийг дэмжих тухай хууль, Кино урлагийг дэмжих тухай хуулийн төслүүдийг өөрчлөх шаардлага үүсээд байгаа юм.

             Тэгвэл бид 2025 оны төсвийн ерөнхийлөн захирагч нарын төсөв хэрхэн өөрчлөгдсөн хийгээд төсвөө тануулахгүй даам гарч байгаа сайд, гишүүнийг танилцуулж байна.

Ерөнхийлөгчийн Тамгын газар- 39.7 тэрбум төгрөг захиран зарцуулах байсан бол 37.6 тэрбум төрөг болгож, 1,9 тэрбум төгрөгөөр бууруулсан.

УИХ-ын Тамгын газар- 191 тэрбум төгрөг захиран зарцуулах байсан бол 172 тэрбум төгрөг болгож бууруулсан.

Ерөнхий сайд- 630 тэрбум төгрөг зарцуулах байсан бол 627 тэрбум болж, гурван тэрбум төгрөөр буурсан байна.

Тэргүүн шадар сайд бөгөөд Эдийн засаг хөгжлийн сайд Л.Гантөмөр- 328.8 тэрбум зарцуулах байсан бол 276.1 тэрбум төгрөг болж буурчээ.

Шадар сайд С.Амарсайхан - 404 тэрбум төгрөг захиран зарцуулахаар тусгасан бол 39 тэрбум төгрөг болсон байна

Монгол Улсын Шадар сайд Т.Доржхандын  захиран зарцуулах найман тэрбум төгрөгийг хэвээр үлдээжээ.

Засгийн газрын хэрэг эрхлэх газрын дарга Н.Учрал- 152 тэрбум зарцуулах байсан бол 148.8 тэрбум төгрөг болж буурчээ.

Хяналт үнэлгээний үндэсний хорооны дарга Э.Одбаяр- 24 тэрбум байсан бол 19 тэрбум төгрөг болсон байна.

20 минутын хот үндэсний хорооны дарга Р.Эрдэнэбүрэн- 31.8 тэрбум-

Боомтын сэргэлтийн үндэсний хорооны дарга Б.Тулга- 15 тэрбум төгрөг зарцуулахаас 13 тэрбум төгрөг болж бууруулсан байна.

Гадаад харилцааны сайд Б.Батцэцэг- 275 тэрбум төгрөг зарцуулахаар тусгасныг 262 тэрбум төгрөг болгож бууруулжээ.

Сангийн сайд Б.Жавхлан- 5 их наяд төгрөг буюу хамгийн өндөр төсөвтэй. Тэгвэл түүний төсвийг 4.8 их наяд болгож хоёр тэрбум төгрөгөөр бууруулсан байна.

Хууль зүй дотоод хэргийн сайд О.Алтангэрэлийн захиран зарцуулах 1.8 их наяд төгрөгийн төсвийг 1.7 их наяд төгрөг болгож хассан бол

Аж үйлдвэр эрдэс баялгийн сайд Ц.Тувааны захиран зарцуулах 70.8 тэрбум төгрөгийг  48 тэрбум төгрөг болгож танасан байна.

Батлан хамгаалахын сайд С.Бямбацогт 884 тэрбум төгрөгийн төсөвтэй байсан бол 821 тэрбум болгосон байна.

Байгаль орчин, уур амьсгалын өөрчлөлтийн сайд С.Одонтуяа 337 тэрбум захиран зарцуулах эрхтэй байсан бол 309 тэрбум төгрөг болгож, 28 тэрбум төгрөг хассан байна

Боловсролын сайд П.Наранбаярын захиран зарцуулах эрхийн 4.5 их наяд төгрөгийн төсөв 4.4 их наяд төгрөг болж, хөрөнгийн зардал бага зэрэг хасагдсан

Харин Гэр бүл, хөдөлмөр, нийгмийн хамгааллын сайд Л.Энх-Амгалангийн 4.5 их наядын төсөв хөндөгдөөгүй байна

Зам тээвэр, хөгжлийн сайд Б.Дэлгэрсайханы  1.5 их наяд төгрөг нэг их наяд төгрөг болж буурсан бол Богд-Уулыг нүхэлж, төмөр зам тавих төсөв маргаан дагуулж байгаа юм.

Соёл, спорт, аялал жуулал, залуучуудын сайд Ч.Номингийн 596 тэрбум төгрөгийн төсвийг 520 тэрбум төгрөг болгож бууруулсан ч маргаантай байна.

Хот байгуулалт, орон сууцжуулалтын сайд Ж.Батсуурийн тухай- 495 тэрбум зарцуулахаар оруулж байсан боловч 425 тэрбум төгрөг болж буурчээ

Хүнс, хөдөө аж ахуй, хөнгөн үйлдвэрийн сайд Ж.Энхбаярын хувьд 830 тэрбумын эрхтэй байлаа. Харин шинээр өргөн мэдүүлсэн төсөвт 726 тэрбум төгрөг зарцуулахаар тусгуулсан байна.

Цахим хөгжил, инновац харилцааны сайд Ц.Баатархүүгийн анхны төсөв 130 тэрбум байлаа. Харин төсвийг танаснаар 118.2 тэрбум болж багассан. Төвсийг танахдаа хиймэл дагуулын 122 тэрбум төгрөгийг хассан гэдгийг Сангийн сайд онцолсон билээ.

Эрчим хүчний сайд Б.Чойжилсүрэнгийн хувьд 310 тэрбум төгрөг зарцуулахаар анх оруулж ирснээс 295 турбум болгосон

Эрүүл мэндийн сайд Т.Мөнхсайханы- 1.8 их наядын төсөв хөндөгдөөгүй бөгөөд хавдарын эмнэлэгийн засвар болон “Хавдар-2” эмнэлгийн барилгын ажлыг 7.9 тэрбум төгрөг нэмэгдсэн.