Хятад автомашиныг хэрэглээнд нэвтрүүлэхийн тулд шалгуур таван үзүүлэлтийг баталж, иргэдийнхээ худалдах авах эрхийг хааж байгаа биш биз. Учир нь “евро-4” стандартын хөдөлгүүр манай улсын хэрэглээнд нэвтэрсэн япон, солонгос автомашины ихэнхэд нь байдаггүй. Харин хятад автомашин байдаг тухай иргэд ярьж байна. Тухайлбал, Улаанбаатарт автомашины улсын дугаар олгохыг хязгаарласантай холбоотой асуудал ар араасаа гарсаар буй. Нийслэл хотод авто тээврийн хэрэгслийн улсын бүртгэлийн дугаар олгох шалгуур үзүүлэлтийг батлах тухай захирамжийг Засаг дарга Х.Нямбаатар өнгөрсөн сарын 23-нд гаргажээ. Уг захирамжийн дагуу гаргасан шалгуур үзүүлэлтээр бол зөвхөн шинэ машин авах, бас зогсоолтой, өмнө нь тээврийн хэрэгсэл эзэмшиж байгаагүй иргэдэд л улсын дугаар олгохоор болоод байгаа билээ. Тухайлбал, тус тогтоол арваннэгдүгээр сарын 8-наас хэрэгжиж эхэлсэн. Мөн улсын дугаар шинээр олгох ажлыг АТҮТ хариуцдаг байсан бол өгдөө Замын хөдөлгөөний удирдлагын төв хариуцдаг болоод буй. Харин "Замын хөдөлгөөний удирдлагын төв" ОНӨТҮГ-ын Хөдөлгөөн зохицуулалт, хяналтын хэлтсээс хүрээнд Улаанбаатар хотод бүртгэлтэй 785 мянган тээврийн хэрэгслээс хасалт хийн 730 мянга болсон тохиолдолд таван шалгуур үзүүлэлтийг баримтлан улсын бүртгэлийн дугаарыг олгоно. Ингэхдээ автомашины тоо буурсан тохиолдолд он залуу автомашинд улсын дугаар олгоно гэж мэдэгдсэн. Тэгвэл тус таван шалгуур үзүүлэлтэд тэнцэх автомашин бол Хятад тээврийн хэрэгсэл л байна. Манай улсын иргэдийн хамгийн их унадаг  приус маркийн автомашин нэг үгээр бол удахгүй хэрэглээнээс гарах аж. Тэр дундаа приус 20, 30 маркийн автамашинд дугаар олгогдохгүй. Нэгт он хөгшин, хоёрт “евро-4” хөдөлгүүргүй.

Тэгвэл тус таван шалгуур үзүүлэлтэд тэнцэх автомашин бол Хятад тээврийн хэрэгсэл л байна. Манай улсын иргэдийн хамгийн их унадаг  приус маркийн автомашин нэг үгээр бол удахгүй хэрэглээнээс гарах аж.

        Дээрх таван шалгуур үзүүлэлттэй холбоотойгоор УИХ-ын гишүүн Ч.Лодойсамбуу "Иргэдийн машинаа солих эрхийг хааж, түгжрэлээс салсан хот дэлхийд байхгүй. Хувийн машин унах нь зардал ихтэй гэдгийг иргэдэдээ ойлгуулж, нийтийн тээврээ сайжруулах шаардлагатай байна. Өнгөрсөн хугацаанд юу хийснийг нь асуух гээд дуудахаар Хотын дарга нь ирэхгүй байна" хэмээн байр сууриа илэрхийлсэн. Мөн Энэ талаар БНСУ-аас автомашин нийлүүлэгчдийн холбооны тэргүүн А.Алтангэрэл "Бид ардчилсан нийгэмд амьдарч байгаа. Гадаад улсаас автомашин оруулж ирээд иргэдийн боломжид тааруулан, зах зээлийн үнээр худалдан борлуулж байхад төрөөс хязгаарлалт хийх нь буруу. Дээрээс нь маш том ашиг сонирхол энд явж байна. Хятад улсад үйлдвэрлэсэн автомашиныг шинэ гэдэг нэрийн дор шахах гэж байна. Эвдрэл гэмтэл ихтэй, сэлбэг таардаггүй, ховор автомашинуудыг оруулж ирэхийн тулд ийм шийдвэр гаргаж байна. Монголчууд Япон, Өмнөд Солонгос улсын автомашины чанарыг мэддэг, амьдрал ахуйдаа ашигладаг болсон. Хятад машины төмрийн орц найрлага нь хөнгөн, зөөлөн байдаг. Тиймээс Монголын нөхцөлд таарч, тохирохгүй. Үүнийг мэдсээр байж төрийн байгууллагуудад хятад автомашин нийлүүлж байгаа нь эрх ашигтай л гэж харж байна” гэсэн.

Монголчууд Япон, Өмнөд Солонгос улсын автомашины чанарыг мэддэг, амьдрал ахуйдаа ашигладаг болсон. Хятад машины төмрийн орц найрлага нь хөнгөн, зөөлөн байдаг. Тиймээс Монголын нөхцөлд таарч, тохирохгүй

        Хятадын дөрвөн том автомашин үйлдвэрлэгч бол Чанган, Донфен, Жийли, SAIC Мотор нар юм. Эдгээр үйлдвэрийн автомашин Монголын зах зээлд орж ирээд багагүй хугацаа өнгөрч байгаа ч худалдан авалт муу байгаа гэхэд хилсдэхгүй. Тиймээс хятад автомашиныг хэрэглэгчдэд шахахын тулд дээрх таван шалгуур үзүүлэлтийг баталсан юм биз. Жолооны хүрд зөв, евро-4 стандартын хөдөлгүүртэй, он залуу гэх мэт шалгуур үзүүлэлтэд тэнцэж байгаа аж.