Э.Оюунболд үнэхээр допинг хэрэглэсэн үү гэдэг эргэлзээтэй асуулт одоо ч монголчуудын дунд байна. нас залуу, бяр хүч нь торгон ирэн дээрээ явсан залуу гурвын гурван удаа допинг хэрэглэнэ гэж байх уу. Э.Оюунболд үнэхээр тэнэг биш л бол допинг удаа дараа хэрэглэнэ гэж байхгүй. Түүнийг зохион байгуулалтайгаар хорлоод байгаа юм биш биз. Допингийн шинжилгээг эсэргүүцсэн Э.Оюунболд олон улсын арбитрын шүүхэд хандсан байдаг. Үүнээс гадна, “МҮБХ-г харилцан адилгүй шийдвэр гаргадаг. Бөхчүүдийг ялгаварлан харилцдаг” гэх мэт асуудал байнга гардаг билээ.

Түүнийг зохион байгуулалтайгаар хорлоод байгаа юм биш биз.

          Үүнээс гадна, туулай жилийн сар шинийн баярт зориулсан улс, аймгийн алдар цолтой бөхчүүдийн барилдааны дараа авсан явцын шинжилгээгээр Увс аймгийн харьяат улсын харцага Ц.Мөнхбаяр, аймгийн арслан Б.Өсөхбаяр нараас допингийн төрлийн бодис илэрч, улмаар Монголын Үндэсний бөхийн холбооноос өнгөрсөн зургаадугаар сард тэдний барилдах эрхийг дөрвөн жилээр хасах шийдвэр гаргасан.
Дээрх бөхчүүд МҮБХ-ны эл шийдвэрийг эсэргүүцэж, Монголын Олон улсын ба үндэсний Спортын арбитрын шүүхэд гомдол гаргасан. Тус гомдлыг арбитр хэлэлцээд МҮБХ-ны шийдвэрийг хүчингүй болгохоор шийдвэрлэсэн. Харин МҮБХ-ны дарга Ц.Магалжав тэдний эрхийг сэргээхгүй гэдгээ мэдэгдсээр өдийг хүрсэн. Бөхийн дүрмээрээ хэчнээн спортын арбитр тэдний талд шийдвэрлэсэн ч, эцсийн шийдвэрийг МҮБХ гаргах учиртай. Тэднийг энэ баасан гарагт болох барилдаанд оролцохыг зөвшөөрсөн гэх эх сурвалжийн мэдээлэл байгаа юм.

Бөхийн дүрмээрээ хэчнээн спортын арбитр тэдний талд шийдвэрлэсэн ч, эцсийн шийдвэрийг МҮБХ гаргах учиртай

          Э.Оюунболд спортын арбитрт хандсан маргаандаа ялж, барилдах эрхээ сэргээлгэсэн удаатай. Гэвч дараахан нь сар шинийн барилдаанд зодоглоод мөн л допинг илэрсэн. Тэрбээр "Бөх нь барилдахгүй болохоор нутагт минь ган, зуд болдог болов уу хэмээн өөртэйгөө холбож боддог" гэж хэвлэлд ярьсан нь бий. Сүүлийн үед "Э.Оюунболдын барилдах эрх сэргэнэ" гэх мэдээлэл нийгмийн сүлжээнд түгж эхэллээ. Гэвч энэ нь худал мэдээлэл байх магадлал өндөр байна. учир Э.Оюунболд эхлээд спортын арбитрт хандах ёстой. Арбитрын шийдвэр хэрхэн гаргахаас хамаарч МҮБХ түүний барилдах эрхийг дахин сэргээх эсэхэд анхаарна. Одоогоор Э.Оюунболд спортын арбитрт хандаагүй гэх мэдээлэл бий.

Э.Оюунболд эхлээд спортын арбитрт хандах ёстой

          Түмний хайрыг хүлээж, зүлэг ногоон дэвжээнд дүүлж явсан залуу нэг л өдөр допингтой холбоглож, аварга цолоо хураалгаж, барилдах эрхээ хасууллаа. Харамсалтай гэхэд дэндүү харамсалтай. “Илүү их амжилт үзүүлнэ” хэмээн итгэж, найдаж суусан монголчуудын найдвар талаар боллоо. МҮБХ үнэхээр бөхчүүдийг ялгарладаг бололтой. Допинг хэрэглэсэн зарим бөхчүүдийг хоёр жил, найман сараар хасдаг байж яагаад Э.Оюунболдын барилдах эрхийг найман жилээр хасав. Нэг үгээр бол Э.Оюунболдыг дахин барилдах эрхгүй болголлоо. Арай л дэндүү хатуурхаж байна даа, МҮБХ.