Иргэдэд үйлчилгээ үзүүлж буй таксинд чанарын шаардлага огтхон ч алга. Тухайлбал, бохир, тос масло үнэртэж, суудал дээр нь хог овоорон байх нь энгийн үзэгдэл боллоо. Жолоочид нь “Ядаж машинаа цэвэрлээч” гээд хэлчихээр “Тэгвэл буугаач өөр таксинд суу” гээд өөдөөс нь хэрэлддэг байна. Уг нь үйлчилгээ үзүүлж байгаа бол амины байна уу, албаны байна уу гэдэг нь чухал биш. Харин тэндээр үйлчлүүлж байгаа хүмүүс эрүүл аюулгүй, тав тухтай зорчих бүрэн эрхтэй. Түүнээс биш хуруу зузаан тоос шороотой бохир заваан таксигаар үйлчлүүлэх ёсгүй. Гэтэл монголд түгжрэл их, такси олдох нь ховор учраас арга буюу зогссон таксинд сууна. Суусан такси нь үнэр, танараас ихсүүлээд тун бэрх.  Таксины бохир заваан, мөнгө нэмж авдаг, таксины жолоочийн харилцаа хандлага иргэдийн бухимдлыг хүргэж байна. Тиймээс нийслэлчүүдээ бохир, өмхий үнэртсэн таксинаас татгалзвал яасан юм бэ. Тухайн улсын хөгжлийн нэг үзүүлэлтэд  такси үйлчилгээ яалт ч үгүй ордог.  Гэтэл нийслэл хотын маань  таксины үйлчилгээний хүртээмж жилээс жилд улам хумигдаж, агшин давжаарсаар байна.  Нийслэл хотын зам талбайг хувийн таксичид бүрэн эзэлж, иргэдийг шулж, зүй бусаар ханддаг хэмээх гомдол тасардаггүй.  Үүнээс гадна, "Үнэ нь гэрлийн хурдаар өсч байгаа хэрнээ, үйлчилгээ, чанар нь улам муудаж байна" гэх иргэдийн гомдол тасардаггүй байна. Тодруулбал, автомашины өнгө үзэмж муу, эвгүй үнэртэй байдаг төдийгүй жолооч нар нь харилцааны соёлгүй, мөнгө тааруулж өгөхийг шаарддаг, эсвэл хариулт өгдөггүй, жолоо барьж явахдаа утсаар ярьж, аюулгүй байдал хангадаггүй гэх мэт айдас, тав тухгүй байдлын талаар гомдол, зөрчил цагдаагийн байгууллагад ихээр ирдэг аж. Хамгийн гол нь шатахуун нэмэгдэх сургаар үнээ нэмдэг, эсвэл шөнө, орой, эрүүл согтуу гэж ялгаварлан аманд орсон үнээ хэлж адилхан амьдрах гэж яваа нэгнийхээ халаас руу өнгийдөг таксины үнэ асуудалд хяналт тавих цаг хэдийнэ иржээ.

Хамгийн гол нь шатахуун нэмэгдэх сургаар үнээ нэмдэг, эсвэл шөнө, орой, эрүүл согтуу гэж ялгаварлан аманд орсон үнээ хэлж адилхан амьдрах гэж яваа нэгнийхээ халаас руу өнгийдөг 

           Такси үйлчилгээний зүй бус үйлдлүүдийн тухай иргэд цахим орчинд өөрсдийн нүүр хуудсаараа дамжуулан гомдлоо илэрхийлж байна. Угтаа бол зам дагуу гар өргөсөн болгоныг суулгаад, зөөдөг тээврийн хэрэгсэл бол такси биш. Бохир заваан суудал, хир тамхи үнэртсэн, эвдэрхий цоорхой машинаар үйлчлүүлэхийг хэн ч хүсэхгүй. Такси бол төгс соёл, өндөр зэрэглэлийн үйлчилгээ. Гэтэл монголд жолоочтой юутай хээтэй нь зад савандаад угаачихмаар такси олон байгаа нь эмгэнэл. Тэд залхуудаа машинаа цэвэрлэхгүй байгаа юм биш. Харин сэтгэлгүй, шунаг сэтгэлтэйдээ хөдлөгдөөд явж буйн илрэл биз.

Үүнээс гадна, 2019 оны гуравдугаар сарын 30-ны өдөр таксигаар үйлчлүүлсэн эмэгтэйг жолооч нь хүчиндэхийг завдсан хэрэг гарч байв. Мөн 2017 онд таксины жолооч зорчигч эмэгтэйг зодож танхайрсан хэрэг гарсан.

           Үүнээс гадна таксины жолооч үйлчлүүлэгчээсээ яриа өдөж, сээтгэнэх явдал ихээр гардаг байна. Үүнээс гадна, 2019 оны гуравдугаар сарын 30-ны өдөр таксигаар үйлчлүүлсэн эмэгтэйг жолооч нь хүчиндэхийг завдсан хэрэг гарч байв. Мөн 2017 онд таксины жолооч зорчигч эмэгтэйг зодож танхайрсан хэрэг гарсан. Таксигаар үйлчлүүлэхээр суусан хүн хөтөч болж хувирах тохиолдол цөөнгүй. Ийн баахан зам заасны эцэст илүү мөнгө нэхээд гүрийчихдэг. Машинтай бүхэн таксинд сүнгэнэчихдэг болохоор дуртай үнээ хэлнэ. Хэрэв хэлсэн мөнгийг нь өгөхгүй бол зандарна, хараана. Хааяа ойрхон газар такси барих гэхээр өө ийм ойрхон газар явахгүй гээд алга болж өгнө. Хэдэн төгрөг олох гэж аав, ээжийнхээ машиныг хулгайгаар унаж яваа насанд хүрээгүй хүүхэд хүртэл таксины жолооч болчихсон явж байдаг. Манай таксичдын нийтлэг төрх бол Улс төрийн хов ярьдаг, соёлгүй, бүдүүлэг, амныхаа зоргоор мөнгө нэхдэг жолооч нар юм. Улаанбаатар хотын таксины үйлчилгээ хаа нэгтээ улсын маань нэрийг халууцуулж л байгаа. Хэрэв цаашид энэ маягаар яваад байвал жуулчид таксины үйлчилгээнээс бэргээд дахиад ирэхгүй ч байж мэднэ.

Тиймээс бохир заваан таксинаас салж, цэвэр, соётлой үйлчилгээ үзүүлдэг таксигаар үйлчлүүлцгээе. Үүнийг  төр засаг анхаарах цаг хэдийнэ ирчихсэн хаалга тогшоод байна. Хэрэв анхаарлаа хандуулахгүй бол иргэд чинь хэртэй таксигаар үйлчлүүлж, хэрүүлийн үг сонсож, хамаг мөнгө, хайран цаг хугацаагаа автозам дээр дэмий өнгөрөөж байна.