Эдийн засгийн эрлэгийг зогсоох хэрэгтэй. Тэр нь Сангийн сайд Ч.Хүрэлбаатар. Хоёр Засгийн газар улиран ажилласан Сангийн сайд Ч.Хүрэлбаатар дэлхийн зах зээл дээр түүхий эдийн үнэ ханш, боломж тун таатай байгаа энэ “Алтан үе”-ийг ашиглах мэдрэмж, мэдлэг дутуугаас болж, УИХ, Засгийн газраас хангалттай дэмжсээр байхад Монголын эдийн засагт ашигтай ямар ч алхам хийж чадахгүй байна. Түүний байр сууринаас улс төрийн өс хонзон, зуулт л харагдахаас биш улс орныг хөгжүүлэх бодлого огт харагдахгүй өдөр хоногийг өнгөрүүлж байгааг олон нийт харж буй. Цаашид энэ асуудлыг хүлээн зөвшөөрөхөд бэрх боллоо.

 Түүний энэ байдлыг эртнээс анзаарсан Ерөнхийлөгч Х.Баттулга 2021 оны төсөвт хориг тавих тухай УИХ-ын дарга Г.Занданшатарт ирүүлсэн албан бичигтээ ийн бичжээ.Тэрбээр “Ерөнхийлөгч 2020 оны гуравдугаар сарын 25-нд “Ковид19”-ийн цар тахлын нөлөөтэй уялдуулан 2020 оны төсөвт тодотгол хийж, тэвчиж болох бүх зардлыг танах, хямралын эсрэг тусгай сан байгуулах, уг санд төвлөрсөн хөрөнгийг оновчтой, ил тод, хяналттай зарцуулах уриалга гаргасан. Харамсалтай нь, Сангийн сайд “Төсөвт тодотгол хийхгүй” гэсэн муйхар мэдэгдэл гаргаж, сонгууль дуустал хуучин төсвөөрөө явсаар үнэнд гүйцэгдмэгц буюу 2020 оны наймдугаар сард 4.8 их наяд төгрөгийн алдагдалтай, ганцхан жилийн дотор 1.7 тэрбум орчим ам.долларын өр “үйлдвэрлэх”-ээс аргагүй нөхцөл байдалд улс орноо оруулсан, эрх мэдэл, албан тушаалдаа үлдэх сонгуулийн явцуу зорилгод нийцсэн төсвийн тодотгол баталсан” гэж бичсэн байдаг. 

 Яах аргагүй энэ бол факт. Мэдээж Ерөнхийлөгчийн хоригийг УИХ хүлээж аваагүй. Гэвч алдаагаа л хамгаалж үлдсэн төдий. Цар тахалтай холбоотой хорио цээрийн дэглэм, хязгаарлалтаас үйл ажиллагаа нь доголдож хүндэрсэн иргэн, ААН-үүдэд төрийн байгууллагууд Засгийн газрыг тэвчихэд хүнд боллоо. Төсвийн тодотгол хийх нь цаг хугацааны асуудал болов. Өнөөдөр Монголын төсөв, санхүүгийн байдал тартагтаа тулж бүх гадаад өрөө багцалж олон улсын байгууллагад барьцаанд тавих гарцыг ярьж эхэллээ. Олон улсын байгууллага, хандивлагчид гэгчийнх нь хамгийн том эх үүсвэр нь өнөөх л БНХАУ. Өдөр хоног аргацаасан арга барил, алсын хараагүй бодлогын үр дүн ийм л байдаг. УИХ нь Хятадын ардын банкнаас хэлцлийн өрийг тэглэж өгөөч гэж гуйлаа. Хариуд нь барих “хадаг” юу сан билээ. Вакцин гуйх ажлын хэсгийн дарга нь мөн л Ч.Хүрэлбаатар сайд. Тэр үйл явдлын гол баатар биш, үймээн, гацааны гол эзэн болчихоод байна. Асуудал нь тулгамдсан асуудалдаа биш, Ч.Хүрэлбаатар гэдэг хүндээ байгааг Улсын Ерөнхий сайд мэдэрч, энэ сайддаа хариуцлага тооцох нь хамгийн яаралтай хийх ажил болчихоод байна шүү.