Хотын дарга Х.Нямбаатар төрд ч, твиттерт ч том байна аа. Ерөөс Ерөнхий сайд л биш бол Х.Нямбаатарын өөдөөс хэн ч үг хэлж болохоо больчихсон, тэр тэгтлээ томорчихсон юм байна. Тэг зогсож, тэс хөлдсөн хотынхон Х.Нямбаатараас шийдэл, шийдвэр нэхтэл хувийн автомашинуудаа хязгаарлуулж, зөрчвөл эрхээ хасуулахаар болчихлоо. Хөхөө өвлөөр хөл дүүжлэх хувийн автомашиныг нь хүчээр хорьж, тэгш, сондгойгоор явуулах “таг солгой” шийдвэрийг нь сошиалд эсэргүүцсэн иргэдийн ам руу нь алгадлаа, тэр өчигдөр. Тавхан жилийн өмнө түмнээ царайчилж, төв талбайг сахисан үстэй дээл, үнэгэн малгайтай жагсагч байснаа мартаад, түмнийхээ өөдөөс “Түгжрэл бууруулах шийдлээ олж ирээд огцруулаарай, харъя” гэх маягтай твиттертээ даналзаж, бүр даапаалж байх юм. Ер нь ч Х.Нямбаатар “эвдэрч” байгаа нь үнэн. Хагас сарын өмнө Хотын төсвийг хэлэлцэх үеэр шүүмжлэлтэй санал хэлсэн НИТХ-ын хэд хэдэн төлөөлөгчийг Х.Нямбаатар мөн л “Хүү минь, дүү минь” хэмээн ихэд эгдүүцсэн аясаар дуудаж, бас даапаалж харагдсан. Х.Нямбаатараас “халдварлаж”, хорхойд хоргүй харагддаг асан орлогч П.Сайнзориг нь хүртэл “Галзуураад байгаарай” хэмээн хавьтаж ойртсоноо загнадаг болсон. Хатуухан хэлэхэд, албан тушаалын амт, ааганд нь орчихоод, өөдөөс нь үг хэлсэн болгонтой өштөн мэт харьцаж, Хотын даргын суудлыг хааны сэнтий гээд ойлгочихоод явна, Х.Нямбаатар.
.JPG)
Хөлдөх шахтал хүлээлгэдэггүй, хөл хөндийртөл пиг чихдэхгүй, хар үүрээр, харанхуй шөнөөр хаяад “зугтдаггүй” нийтийн тээврийн автобустай бол хэн ч эсэргүүцэхгүй. Колонк бүр дээр оочерлож, коток шиг зам дээр түгжирч зогсохыг хэн ч хүсэхгүй. Х.Нямбаатар хорино, хязгаарлана гэж айлгасан, айлгаагүй амины унаагаа орхиод автобусанд суухыг л хүснэ, ард түмэн. Гэтэл автобусны буудал бүр дээр хөлдөх шахсан 20, 30 хүн л уур савсуулан зогсож байгаагаас биш улаан, ногоон, цэнхэр аль ч автобус алга. Хөл, гарынхаа хурууг мэдээ алдаж хөхөртөл хоёр, гурван цагаар автобус хүлээж зогсох уу, хувийн автомашиндаа дулаахан хоёр, гурван цаг түгжрэлд зогсох уу гэж Х.Нямбаатар эхлээд өөрөөсөө асууж үзэх хэрэгтэй байлаа. Ядаж л “Түгжрэл бууруулах шийдэл бидэнд үнэхээр алга, тэгш, сондгойгоор хязгаарлаад энэ сарыг давъя, болох уу” гэж нийслэлчүүдээс асуух ёстой байв. Бүр болъё, ирэх сард оруулж ирнэ гэж сайрхаад байгаа шинэ автобуснуудаа оруулж ирчихээд, ориг, хулхийг нь шалгуулсныхаа дараа “Та бүхэн энэ автобусаар яваад, аминыхаа машиныг гэртээ үлдээчих” гэсэн бол бас өөр асуудал. Гэсэн ч тэр тэгсэнгүй, шууд л тэгш, сондгойгоор хязгаарлана, хязгаарлалт зөрчвөл эрхийг чинь хасна гэж тулгасан нь ардчилсан орны ард түмэнд таалагдсангүй.
Ер нь Хотыг хоёр сар даргалж буй Х.Нямбаатар байтугай, Ардчиллалаас хойш бүтэн 22 жил, тэр дундаа сүүлийн найман жил тасралтгүй засаглаж байгаа Ардын нам ч түгжрэлийн эсрэг шийдэл олсонгүй, олох ч үгүй юм байна. Өдөр тутмын дугаарын хязгаарлалтыг аль 11 жилийн өмнө, өнөөдөр хэл ул болоод байгаа тэгш сондгойн хязгаарлалтыг аль есөн жилийн өмнө АН-ынхан анх санаачилж байв. Эргэн санавал, 2012 оны наймдугаар сарын 22-нд Хотын дарга Э.Бат-Үүл дугаарын хязгаарлалтаар хөдөлгөөнд оролцуулах тухай захирамж гаргаж байлаа. Одоог хүртэл тэр журмыг өдөр тутам мөрдөж буй. Дараа нь 2014 оны есдүгээр сард мөн л Э.Бат-Үүл хичээлийн шинэ жилээр “0” зогсоохгүй гэж, тэгш, сондгойгоор хязгаарлах шийдлийг анх туршиж байлаа. АН-ыг магтах гэсэнгүй. Эсрэгээрээ “Метро бариж, түгжрэлийг бууруулна” гэж молиго үмхүүлж 2012 оны сонгуульд ялсан АН-ынхан арга ядахдаа дугаарын хязгаарлалт, тэгш, сондгойн хязгаарлалтаар түгжрэлийг аргацааж байгаад 2016 онд явцгаасан. Хоржоонтой нь, 2016 онд Ардын нам төрийн эрхийг авмагцаа АН-ын дугаарын хязгаарлалтыг өдөр тутмын хязгаарлалт хэвээр үлдээж, харин хичээлийн шинэ жил, ёолк, цагаан сар, хүүхдийн баяр гээд ачаалал үеүүдэд тэгш, сондгойн хязгаарлалтыг хүчээр хэрэгжүүлдэг болсон түүхтэй.
Товчхондоо, Хотыг удирдаж буй Х.Нямбаатараас, улсыг удирдаж буй Ардын намаас тэгш, сондгойн хязгаарлалтаас өөр ямар ч шийдэл, шийдвэр гарахгүй юм байна.
| АН-ЫН САНААЧИЛСАН ДУГААРЫН ХЯЗГААРЛАЛТЫГ МАН-ЫНХАН 11 ЖИЛ АШИГЛАЛАА, ӨӨР ШИЙДЭЛ АЛГА УУ |
|
Эверестийг зорьсон 31 настай Л.Пүрэвсүрэнгийн цогцсыг 8400 метр өндрөөс олжээ
Б.ОЧИРВААНИЙН ЭЭЖ Н.АМАРСАЙХАН: ХҮҮГЭЭ МАНЧЕСТЕР ЮНАЙТЕДЫН ТОГЛОЛТЫГ ҮЗЭЖ, ДУРТАЙ ХӨЛБӨМБӨГЧИНТЭЙГӨӨ УУЛЗАЖ БАЙГААГ НЬ ХАРААД УЙЛЧИХСАН
Нийслэлийн МАН-ын хорооны даргаар Х.Нямбаатарыг томиллоо
Б.Очирвааньд Премьер лигийн хамт олон хоёр улирлын тоглолт, онгоцны тийз бэлэглэжээ
“Хайрыг хайрла” жүжгийг энэ сарын 22-н хүртэл дахин тоглоно
ТАНИЛЦ: Амралтын өдөр гэртээ хийж идэх хоолны жор
Нийтийн тээвэр үнэгүй интернэттэй болно
СУИС-ийн уулзвараас хүнсний дөрөвдүгээр дэлгүүр хүртэлх авто замыг хаана
ШИЛДЭГ ДИПЛОМАТЧ ГЭХ ПИ АР НЬ АХАДСАН Б.БАТЦЭЦЭГ САЙД УЛСЫН ГАДААД ХАРИЛЦАА БИТГИЙ ХЭЛ ГЭРЭЭ, ХЭЛЭЛЦЭЭНИЙ ГАРЫН ҮСГИЙНХЭЭ УЧРЫГ МЭДДЭГГҮЙ ЮМ БАЙНА
ХӨГЖЛИЙН БАНКИЙГ "ДАМПУУРУУЛАЛЦСАН" ГУРВАЛЫН Г.АМАРТҮВШИН ЖИЙГДЭЖ, Х.ГАНХУЯГ, Г.ДАМДИННЯМ НАР НЭР ДЭВШИХЭЭР ЗЭХЭЖ БАЙНА
ХАЙРЫН НАЙРУУЛАГЧ
БАГА ТЭНГЭРИЙН АМЫГ БЕТОНОН “ШИРЭНГЭ” БОЛГОСОН Ц.АНАНДБАЗАРТ АРДЫН НАМ АХИАД ДЭВШИХ ТИЙЗ ОЛГОНО
М.ХҮСЛЭН: АЗИЙН АВАРГА, ГРАНД СЛАМ ТЭМЦЭЭНЭЭС ХОС МЕДАЛЬ ХҮРТСЭНДЭЭ БАЯРТАЙ БАЙНА
ЭРХ МЭДЛИЙН ТӨЛӨӨ МАН-ЫНХАН ДОТРОО МӨН Ч ИХ ХАГАРЧ БАЙНА ДАА
ЗУРХАЙ: Үс шинээр үргээлгэх, засуулахад эрч хүч ихэснэ
