Нүүрсний сонсголыг мартагдуулахын тулд шатахууны хомсдол үүсгээд байгаа юм биш биз. Учир нь нүүрсний сонсголоор эрх мэдэл, албан тушаалтай нэр бүхий хүний нэр зарлагдаж буй. Тиймээс тэрхүү хүмүүс шатахууны хомсдол үүсгэж байгааг үгүйсгэх аргаггүй билээ. Улаанбаатар хотод байдаг цөөхөн хэдэн ШТС-т монголчууд хонон өнжин оочирлож байна. нойртой, нойргүй дугаарлан зогсож байна. АИ-92 тасалдаж эхлэхэд шатахуун импортолж халсаа зузаалсан Ц.Анандбазар “АИ-92 бол приус унадаг, ажилгүй нөхдийн хэрэглээ” гэж хэлсэн нь ч бий. Сүүлийн саруудад шатахууны олдоц асуудалтай байгаа. Иргэд бензин авах гээд явахаар ихэнх ШТС-ууд АИ92 байхгүй гэж буцаадаг. Түгээж буй ШТС-ууд оочир ихтэй. Хөдөө орон нутагт бүр хомсдол үүсэж, иргэд хөдөө, хот явах хэрэгцээгээ хязгаарлах болсон тухай мэдээлэл олонтоо гарсан. Гэвч холбогдох яам, газар, албан тушаалтнууд “Шатахуун хэвийн байгаа” хэмээн мэдээлж байгаа нь сонин.

Хөдөө орон нутагт бүр хомсдол үүсэж, иргэд хөдөө, хот явах хэрэгцээгээ хязгаарлах болсон тухай мэдээлэл олонтоо гарсан

Монгол Улс төлөвлөгөөний дагуу бол хэдийнэ Нефтийн үйлдвэртэй болох байлаа.

        Шатахууны хомсдол үүсэх бүрд олон нийтийн зүгээс "Нефтийн үйлдвэрээ хурдан барь" гэх шаардлагыг тавьсаар байдаг. Ерөнхий сайд Л.Оюун-Эрдэнэ “Цар тахлын үед алдсан 13 сарын хугацааг нөхөн яаралтай ажиллаж, 2027 онд газрын тос боловсруулах үйлдвэрээ ашиглалтад оруулах”-ыг үүрэг болгосон билээ. Гэвч энэ хүн ард түмнийг хуурах төлөвлөгөөний нэг байдаг гэхэд хилсдэхгүй. Монгол Улс төлөвлөгөөний дагуу бол хэдийнэ Нефтийн үйлдвэртэй болох байлаа. Гэвч сонгууль, аль нэг намын попрол болоод л төгсдөг нь инээдтэй. Тиймээс ч бид шатахууны хувьд 100 хувь гаднын хараат. Шатахууны импорт зогсох юм бол тэгээд л гүйцээ. Хотын замаар явах нэг ч машингүй болно.

         Ард түмний толгойг элдэв аргаар хуурч ирсэн эрх мэдэлтнүүд энэ удаа шатахууны хомстол үүсгэж, нүүрсний сонсголоо зогсоох гэж байгаа юм биш биз.  АИ-92, дизель түлш хомстож, малчид явгарч, хүүхдүүд хичээлдээ явж чадахгүйд хүрээд байна. Харин нийслэлчүүд өнгөрсөн баасан гарагаас хойш шатахуун хайж, бүтэн өдөржин, шөнөжин дугаарлаж байж балга шатахуунтай болж байна. Зарим нь хэчнээн дугаарлаж, шатахуун хайгаад ч ажилдаа явах шатахуунтай болж чадаагүй хэмээн гомдоллож байгаа аж. Манай улс жил бүрийн хавар, намар шатахууны хомстолд орж, монголчууд хэдэн өдрөөр шатахуун түгээх станцын ойролцоо дугаарлаж, зарим нь шатахуун хайхаас залхаж, нийтийн унаагаар зорчиж байж шатахуунтай залгадаг. Харин энэ жил дөн өвлийн хүйтнээр шатахуун хомстож, хот, хөдөөгүй явгарч байна. Ялангуяа зудтай аймаг, сумдын малчид хөл дүүжлэх унаагүй явгарч, ихээхэн зутарч байгаа.  Мөн шатахуун хомстсоны улмаас баруун аймгуудын автобус хуваарийн дагуу явж чадахгүйд хүрчээ. Монголчуудын амьдрал шатахуунаас болж бүрэн зогссон байдалтай байна. Харин шатахуун яагаад хомстсон, шатахуун хомстохгүй байх тал дээр цаашид хэрхэн анхаарах талаар албаныхан тодорхой хариулт өгч чаддаггүй хэвээр байна.

хэчнээн дугаарлаж, шатахуун хайгаад ч ажилдаа явах шатахуунтай болж чадаагүй хэмээн гомдоллож байгаа аж. Манай улс жил бүрийн хавар, намар шатахууны хомстолд орж, монголчууд хэдэн өдрөөр шатахуун түгээх станцын ойролцоо дугаарлаж, зарим нь шатахуун хайхаас залхаж, нийтийн унаагаар зорчиж байж шатахуунтай залгадаг

      Тухайлбал, шатахуун хомстсон талаар АМГТГ-ын дарга Л.Баярмандах “ОХУ-ын дотоод асуудалтай холбоотойгоор шатахууны хомстолд орсон. Үүнээс гадна манай улс шатахуун хадгалах сав муутай учраас нөөцөө бүрэн авч чаддаггүй” хэмээсэн байдаг. Харин Уул уурхай, хүнд үйлдвэрийн сайд Ж.Ганбаатар “Надаас шатахуун ургадаггүй учраас шатахуун хомстсон нь миний буруу биш” гэж хэлсэн нь бий. 

        Гэвч энэ бүхний ард нүүрсний хулгай хийж, халаасаа зузаалаад авсан эрх мэдэлтнүүд байгаа юм биш биз. Тэд шатахууны хомсдол үүсгэж, ард түмнийг ШТС-т оочирлож, байхад нэр цэвэр үлдэх арга хайж байхыг үгүйсгэх арга алга.