Монгол хүний эрдэнэт амь, эрүүл мэндийн төлөө амьдрал, энэрэнгүй сэтгэлээ харамгүй зориулахаа тангарагласан эмч, сувилагч нар өвчтөнийхөө тариаг андуурч тарьсанаас хүний жаахан хүүхдүүдийг “алах”-аас наагуур юм боллоо. Гэтэл хариуцсан салбар нь аврах ёстой өвчтөнөө “алах”-аас наагуур юм болж, тангараг өргөсөн хүний хувьд засаж боломжгүй алдаа гаргаж, шалдаа бууж байхад Төрийн ордонд төрсөн өдөр тэмдэглэж, наргиж суухаасаа ичдэггүй юм уу, С.Чинзориг сайд аа...

                         Эх, нярай хүүхдийн үндэсний хоёрдугаар төв буюу Яармагийн 300 орчтой эмнэлгийн сувилагч хэвтэн эмчлүүлж байгаа 0-2 насны хүүхдүүдэд цагийн тариаг нь андуурч хийснээс хүүхдүүд халуурч, таталт өгч, зарим нь сэхээнд оржээ. Ар гэрийнхнийх нь мэдээллээр таталт өгч, сэхээнд орсон хүүхдүүд үхлийн аюулаас мултарсан ч эрүүл мэндийн байдал нь хүнд байна. Үүгээр ч зогсохгүй 0-2 насны 17 хүүхдэд тарьсан тариаг андуурах андуурахдаа хугацаа нь дууссан, өөр найрлагатай тариа ч тарьсан байж болзошгүй байгаа учир хууль, хяналтын байгууллагаас Яармагийн 300 ортой эмнэлгийн шалгаж буй. Гэтэл салбар хариуцсан сайд нь Төрийн ордонд төрсөн өдөр тэмдэглээд наргиад сууж байх юм.

Тодруулбал, өнөөдөр УИХ-ын гишүүн Б.Жаргалмаагийн төрсөн өдөр болж байгаа гэнэ. Гишүүний төрсөн өдрийг тохиолдуулаад Ж.Чинбүрэн, Эрүүл мэндийн сайд С.Чинзориг нарын нэр бүхий гишүүн Б.Жаргалмаа гишүүний төрсөн өдрийг Төрийн ордны өрөөнд нь тэмдэглэж байгаа аж. Хариуцсан салбар нь тангараг өргөсөн ажилдаа хариуцлагагүй хандаж, хүүхдийн амь ч эрсдэх өндөр магадлалтай байхад Эрүүл мэндийн сайд нь Төрийн ордонд төрсөн өдөр тэмдэглээд наргиж байна. Эрүүл мэндийн салбарынхаа өмнөөс сэтгэл зовдоггүй юмаа гэхэд хүүхдээ алдах вий гэж айж шөнөжин залбирч хоносон хохирогчдын эцэг, эх, олон нийтээс ичдэггүй юм уу, Эрүүл мэндийн сайд С.Чинзориг оо.