Монгол Улсын төрд мэдлэгтэй, боловсролтой залуусийн орон зай дутаж байна. Даанч Монголын төр мэдлэгтэй, боловсролтой, зүтгэлтэй залуусыг хэдэн жил ашиглаад төмөр торны цаана суулгах боллоо. Тиймээс залуус төрд ажиллах гэхээс илүүтэй хувийн бизнес хийх эсвэл гаднын улсад ажиллах гэсэн сонсголт тулгардаг байна. Монгол улсад 18-35 насныхан хүн амын 38,5 хувийг эзэлдэг бөгөөд хүн амын бусад бүлгүүдтэй харьцуулахад хамгийн их хувийг эзэлдэг аж. Гэвч залуусаар манлайлуулсан ямар нэг төрийн үйл ажиллагаа алга болжээ.  Байгаагийн нь төр өөрөө үгүй хийдэг гэх. Тиймээс залуус төрд ажиллаж, эх орныхоо төлөө зүтгэхээс айж байна гэнэ.

 Гэвч иймэрхүү үйл ажиллагаанд залуус оролцох нь ховор болсон байна.

            Нийгмийн олон салбарт залуучуудын идэвхи, манлайлал, дуу хоолой хэрэгтэй байгаа талаар иргэд ярьж байна. Залуу хүн бүрийн идэвхи нийгмийн хөгжил дэвшилд чухал хувь нэмэр үзүүлэх бөгөөд Монгол улсын ирээдүй залуучуудын гарт байгаа гэдгийг тодруулах, олон салбарт өөрчлөлт шинэчлэлийг авчрах санаа сэдлийг өгөх зорилготой үйл ажиллагааг төрөөс зохион байгуулдаг. Гэвч иймэрхүү үйл ажиллагаанд залуус оролцох нь ховор болсон байна.

 залуу үеэ цэргийн дэглэмээр шахам, сэтгэлзүйн гүн дарамтад оруулж цөхрөөгөөд, ажлаас нь гаргадаг тогтсон хэлбэрүүд төрийн аль ч байгуулагад гүн үүрлэсэн.

            Боловсролтой, илүү мэдлэгтэй бүхэн гадагшаа дүрвэхийг харсаар ч удлаа. Энэ үзүүлэлтээр Монгол Улс сүүлийн таван жилд дараалан өсжээ. Өндөр дүнтэй тэтгэлэгт тэнцэх гэж махийсаар, түүгээрээ сурч, “Одоо л эх орондоо хийж бүтээнэ” гэж ирсэн ардын хүүхдүүд бүгд төрийн энэ тогтолцоо, үүрлэсэн Мөнхүү төрд шигдэхийн тулд ах, авгай нарын фракц үүсгээд, залуу үеэ цэргийн дэглэмээр шахам, сэтгэлзүйн гүн дарамтад оруулж цөхрөөгөөд, ажлаас нь гаргадаг тогтсон хэлбэрүүд төрийн аль ч байгуулагад гүн үүрлэсэн. Сайн мэргэжилтний дээр цүнх барьсан, намын томилгоотой дарга очоод, том дүн дээр л нүд нь бүлтийхээс өөр шидгүй нөхцөлд хамаг ажил нугалагчид ажиллах болсоор удав. Харин төрд ажиллахаар орсон залуус торны цаана ямар нэг гэмт хэргийн хохирогч болоод орох нь олширчээ.

Даанч Монголын төр мэдлэгтэй, боловсролтой, зүтгэлтэй залуусыг хэдэн жил ашиглаад төмөр торны цаана суулгах боллоо. Тиймээс залуус төрд ажиллах гэхээс илүүтэй хувийн бизнес хийх эсвэл гаднын улсад ажиллах гэсэн сонсголт тулгардаг байна.

               “Монгол Улсын гурван хүн тутмын ойролцоогоор нэг нь 30 хүртэлх насны залуучууд байна. Эдгээр шинэ үеийн залуучууд бол ардчилсан чөлөөт нийгэмд өсөж торниж буй анхны үеийнхэн бөгөөд ирээдүйд манай ардчилал илүү бэхжиж чадах эсэх нь тэдний улс төрийн идэвх, оролцооноос шууд хамаарна” улс төр судлаачид үздэг. Парламент хүний эрхийг уландаа гишгэсэн хууль гаргавал хориг тавьдаг, засахыг шаарддаг болвол иргэд эрхээ хамгаалуулна. Эрхээ хамгаалуулсан иргэн эх орондоо амьдрах хүсэлтэй болно. Залуус эх орноосоо зугтаж буй шалтгаан нь энд амьдрал алга, орлого алга, эрх нь зөрчигдөж байна.