Троллууд төрийн толгойд гарч, ТОМ ШИЙДВЭРҮҮД СОШИАЛЧДААС “төрдөг” болжээ, МОНГОЛД

Б. Цогтбаяр:
Улс төр- Тэрслүү үг

2025-03-21, 1310

-Хувьдаа троллгүй улстөрч бол буугүй цэрэгтэй л адилхан-

Монгол Улс ямар засаглалтай вэ гэж хэн нэгэн асуувал би л хувьдаа “Сошиал засаглал”-тай гэж хариулна. Шүүх засаглалаас айдаггүй улстөрчид “Сошиал засаглал”-аас үхтлээ айдгийг нь бодсон ч яах аргагүй бид “Сошиал засаглал”-тай.

Гэхдээ “Сошиал засаглал” гэдэгт ухаалаг гар утастай, фэйсбүүкдээ хамаатан садан, 10 жилийн үе тэнгийнхэн, ажлын хамт олон голдуу найзтай, баяр ёслолоор ганц нэгхэн зураг хийдэг хүмүүс огт багтахгүй. Харин “Юу байна” гэж бичээд таван минутад таван мянган лайк авдаг төрлийнхөн буюу юу ч бичсэн хандалт авдаг сошиал одууд, хэнийг ч, юуг ч сайн, муугаар харуулах чадвартай троллууд багтаж байгаа юм. Чухамдаа нийгмийг, нийт ард түмнийг төлөөлөх чадамжгүй ч бүхэлд нь төлөөлж байгаа мэт харагдаж, үзэл бодлоо хүлээн зөвшөөрүүлдэг хэсэг бүлгийнхнийг “Сошиал засаглал”-ын “сошиалчид” гээд байгаа юм.

Улсынхаа Хууль зүйн сайдыг “сошиал”-чидтай ам уралдуулан хэрэлдэхийг, хотын даргыгаа “сошиал”-чдын дайралт бүхэнд хариулт өгөхийг хараад “Бид сошиал засаглалтай юм байна” гэх бодол улам ч гүн суусан.

Яг үнэндээ Монголыг улстөрчид удирдаад байна уу, сошиалчид удирдаад байна уу, учрыг нь олохоо болилоо. Ямартай ч “Сошиал засаглал”-ынхан гэж хэн бэ, ямар үүрэгтэй вэ гэдгийг өөрийн мэддэг хүрээнд хуваалцъя.

Сошиалчид дотроо хоёр төрөл байна. Зөвхөн өөрийн үзэл бодлоо илэрхийлдэг нэг төрлийнхөн байна. Харин нөгөө нь бусдын заавраар үнэнийг худал, худлыг үнэн болгож тараах замаар олон нийтийн үзэл бодлыг өөрчилж байдаг төрлийнхөн. Нийгэмд хамгийн аюултай боловч хамгийн их хандалт авдаг, хүчтэй төрлийнхөн нь үнэнийг худал, худлыг үнэн болгогч сошиалчид. Энэ төрлийн сошиалчдыг троллууд гэх бөгөөд тэднийг голдуу улстөрчид өөр өөрсдийн талд ажиллуулж, өрсөлдөгчдөө хэрхэн харлуулах, нийгмийн санаа бодлыг юу гэж өөрчлөх, юуг шүүмжилж, юуг магтахыг нь зааж, захиалга өгдөг. Ийм нэг захиалга дээр хэдэн зуун тролл ажиллах бөгөөд зорилгоо гүйцэлдүүлэх хүртлээ зогсохгүй. “Үнэн гутлаа өмсөж байхад худал уул давсан байдаг” гэгчээр олон нийт тэр хэдэн зуун троллын захиалгатай, хуурамч үзэл бодолд шуудхан л итгэнэ.

Ингээд л хүн алсан хүн ч ардын баатар болж болно. Хувьдаа троллгүй улстөрч бол буугүй цэрэгтэй адилхан.

Түүнчлэн троллуудын ажиллах механизм нь гурван янз байх шиг байгаа юм. Энгийнээр буюу цэцэгтай зүйрлэвэл эхнийх нь “Цэцэг тарих” арга. Жишээ нь, хэн нэг улстөрч, нам, төрийн байгууллагын хийх гэж байгаа ажил, гаргах гэж байгаа шийдвэрийг урьдчилаад “Зайлшгүй шаардлагатай” байгаа мэтээр олон нийтэд ухуулж, сэтгэлзүйг нь бэлтгэх арга. Троллууд олон нийтийн үзэл бодлыг өөрсдийн талд бэлдсэний дараа шийдвэр гаргахад олон нийт үнэхээр л нүдээ олсон шийдвэр гэж таатай хүлээж авна гэсэн үг. Мөн аргыг сөрөг байдлаар ч ашиглана. Жишээ нь, Коронавирусийн энэ үед ХӨСҮТ хамгийн их мөнгөн дээр ажиллаад эхэлмэгц тус төвийг гартаа оруулах санаархал улстөрчид, сайд дарга нарт бий болсон гэх мэдээллүүд гарч байна. Тиймдээ ч Д.Нямхүүг авлига, хээл хахуультай холбогдуулан олон нийтэд муухай харагдуулах троллуудын ажил эрчимтэй өрнөж байгаа гэх. Улмаар “Д.Нямхүү бол авлигачин” гэх мессэжийг олон нийтэд суулгасны дараа ажлаас нь чөлөөлөхөд олон нийт дургүйцэхгүй нь ойлгомжтой.

Дараагийнх нь “Цэцэг услах” арга. Аливаа шийдвэр гарсны дараа тухайн шийдвэр л “хамгийн зөв” гэж олон нийтэд ойлгуулах арга юм. Жишээ нь, цахилгаан, ус, дулааны төлбөрийг тэглэх шийдвэр гаргасан Ерөнхий сайд У.Хүрэлсүх, “Эрдэнэт” үйлдвэрийн захирал Х.Бадамсүрэн нар ардын баатар болоод буй. Өөрөөр хэлбэл, цар тахлын үед цахилгаан, тог, усны мөнгө тэглэх шиг том дэмжлэг байхгүй гэх үзэл бодол олон нийтэд бат суучихсан учраас өөр юуг ч төрөөс нэхэхээ больчихоод байна. Мөн “Эрдэнэт” үйлдвэрээс тэрбум тэрбумаар нь хувьдаа мөнгө завшиж байсан Х.Бадамсүрэнгийн дураараа дургилтыг одоо хэн ч санахгүй. Энэ арга хамгийн үр дүнтэй нь бөгөөд бусдыг харлуулахад ч ашиглаж болдгоороо онцлог. Өөрөөр хэлбэл, гавьяа байгуулсан хүнийг хүн алсан хүн болгож ч болдог арга юм.

Сүүлийн арга нь “Цэцэг таслах” арга. Энэ бол нийгмийг шуугиулсан аливаа сенсацийг өөр сенсациар дарах арга юм. “60 тэрбум”-ын хэргийн дуулиан “ЖДҮ”-чдийн сенсацид дарагдсан шиг. Л.Оюун-Эрдэнийн Хэнтийд барьж буй 400 сая жуулчин авах “шавар амбаар”-уудын дуулиан, Х.Нямбаатарын “Сэтгүүлчдийн амыг барих” санаархлын шуугиан хэдхэн хоноод мартагдсан шиг. Троллуудад үргэлж шинэ сенсаци бэлэн байдаг.

Өөрсдийх нь талын “но” ил болмогц өөр анхаарал татсан шуугиан гаргаж ирэх нь троллуудын сайн чаддаг зүйл. Энэ аргаараа тэд улсаа худалдсан асуудлыг ч дарж чадна.

Троллууд энэ мэтээр олон нийтийн санаа бодлыг дураараа удирдах чадвартай учраас улстөрчид өрсөлдөгч нарынхаа троллуудаас учиргүй айна. Тиймдээ ч гаргасан шийдвэр, эхлүүлсэн ажлыг нь шүүмжилж эхэлмэгц гаргасан шийдвэрээ цуцалж байсан тохиолдлуудыг бид олон харсан. Троллуудын энэ их хүч чадал нь улстөрчид нэрээ хэт их хичээдэг л оршиж байгаа юм. Улстөрчид троллууд олон хандалт авах тусам өөрийг нь олон нийт муухайгаар харж эхэлнэ гэж айдаг учраас л троллууд төрийн толгойд гарчихаад байна.

Троллууд төрийн толгойд гарч, ТОМ ШИЙДВЭРҮҮД СОШИАЛЧДААС “төрдөг” болжээ, МОНГОЛД

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 5

Сэтгэгдэл үлдээсэн: 2025-03-21 20:39:50

Зочин: SEKSYGEER VANXANDI ALNI SEKSYGR SEKSEER80955877
Сэтгэгдэл үлдээсэн: 2025-03-21 17:54:21

Зочин: Үнэн, хууль гаргаад социалаар эсэргүүцэнгүүт айгаад хуулиа больчихдог
Сэтгэгдэл үлдээсэн: 2025-03-21 12:10:24

зочин: СОШИАЛЫН ТҮРҮҮНИЙ БӨӨСНҮҮД ТОЛГОЙД ГАРДАГ БОЛЖ.....ХУДАЛЧ НЬ ХОЙМОРТ, ҮНЭНЧ НЬ ҮҮДЭНД СУУДАГ ЦӨВҮҮН ЦАГ ИРЖЭЭ.....
Сэтгэгдэл үлдээсэн: 2025-03-21 09:22:56

Зочин: Эхний тролл багийг манай төр засгийн удирдлагууд сайн хэрэгжүүлдэг .15 ТВ ийг худалдаж аваад нэг дох худалдаж аваад өөрсдийн зохиол нэвтрүүлэг цацдаг гэж байгаа . Хүмүүс үүнийг ГАНЧИМЭГДЭХ арга гэж нэрлэчихсэн .Цэцэг услах троллын багийг манай ерөнхий сайд хотын дарга Нямбаатар нар маш сайн ажиллуулдаг .Оюун эрдэнэ ажлаа хийхгүй байна гэхээр ЭБИ гээд яриад гараад ирдэг .Нямбаатар нь ЖЭНКО гээд яриад ....... Сэтгүүлч үнэнийг нүүрэн дээр нь пал хийтэл нь хэлжээ .
Сэтгэгдэл үлдээсэн: 2025-03-21 07:33:30

Зочин: Унэн шуу! Ес зуйгуй, мулгуу, нехдууд толгойд гарч, тер гэгч данхайсан том дээрэмчин мангастай болов!

Шинэ мэдээ

Нийтлэлчид