Жил бүрийн наадмаар хоёроос гурван бөх допингийн шинжилгээнд бүдэрдэг жишиг тогтоод удаж байна гэхэд хилсдэхгүй. 2002 оноос хойш өдийг хүртэл 38 бөх допинг гэх зүйлтэй нэр холбогдоод буй. Тэгвэл энэ тоо дахин нэмэгдэж магадгүй аж. Тухайлбал “Спорт ба допинг” хэлэлцүүлгийг Монгол бөхийн өргөөнд өнгөрсөн амралтын өдрүүдэд зохион байгуулсан. Энэ үеэр Олон улсын болон Азийн холбооны эмнэлэг, допингийн эсрэг холбооны гишүүн Н.Цогтсайхан дараах мэдээллийг өгсөн юм.

    Тэбрээр "Өнгөрсөн зуны наадмаар М.Бадарч тэргүүтэй 16 бөхөөс допинг илэрсэн байж болзошгүй гэж сонссон. Үүнийг би үндэслэлтэй гэж бодож байна. Допингийн эсрэг байгууллагатай М.Бадарч тохиролцож чадаагүй учраас нэр нь зарлагдсан" хэмээсэн юм. Мөн учир мэдэх бөхчүүд “Ийм байх магдалтай. Энэ тухай өмнө нь ч сонсож байсан” гэх хариултыг өгөөд буй. Харин Н.Цогтсайханы мэдээлэлтэй холбогдуулан Монголын үндэсний допингийн эсрэг байгууллагаас мөн л мэдэгдэл гаргаллаа. “Допингийн эсрэг байгууллагатай зөвхөн М.Бадарч тохиролцож чадаагүй учраас нэр нь зарлагдсан” гэх худал мэдээ, мэдээллийг олон нийтэд түгээсэн байна. Тус мэдээлэл нь огт үндэслэлгүй худал мэдээлэл болохыг албан ёсоор мэдэгдэж байна. 2023 оны үндэсний их баяр наадмаар шөвгөрсөн үндэсний бөхийн тамирчдын нэр төр алдар, хүндэд халдаж худал мэдээллийг тараасан, гүтгэсэн энэхүү үйлдлийг бид хуулийн байгууллагад нэр төрөө сэргээлгэхээр хандах болно" гэжээ.

    сүүлийн гурван жилд долоон бөхөөс допинг илэрсэн байна   

         Допингийн асуудал хурцдаж, эхлэхтэй зэрэгцээд Допингийн эсрэг үндэсний төвийн захирал Ж.Хатанбаатар АТГ-т шалгагдаж, гэр болон албан өрөөнөөс нь сэргээшийн төрлийн бодис олноор илэрч, түмний нүдийг орой дээр нь гаргасан. Олон жил үндэсний бөхөд бугшсан допингийн асуудлаас болж олон бөх хохирсон нь мэдээж хэрэг. Ж.Хатанбаатар, М.Булган нар нь бөхчүүдэд “Манайхаас допинг аваарай. Зах зээлийн үнээс хамаагүй хямд. Мөн шинжилгээгээр ямар нэг зөрчил гарахгүй. Найдвартай бүтээгдэхүүн байгаа шүү” хэмээн допинг шахдаг болохыг бөхчүүд дуу нэгтэй ярьж байсан билээ. Гэтэл саяхан болсон “Спорт ба допинг” хэлэлцүүлгийн үеэр гарсан 16 гэх тоо олныг анхаарлыг татаж байна. Тухайлбал бөх сонирхогчид “Сүүлийн гурван жилд нийт 16 бөхөөс допинг илэрсэн. Энэ жил 16 бөхөөс допинг илэрсэн байх боломжгүй” гэх бол зарим нь “Энэ тоо магадлалтай. Бөхчүүдийн дунд ийм яриа гараад удаж байгаа. Олны ам ортой” хэмээгээд буй. Тэгвэл сүүлийн гурван жилд долоон бөхөөс допинг илэрсэн байна. Тухайлбал,

2021 он: Б.Уртнасан /Аймгийн арслан/

2021 он: Н.Батсайхан /Аймгийн арслан/

2021 он: Б.Хадбаатар /Аймгийн арслан/

2022 он: Б.Лхагвадорж /Аймгийн арслан/

2022 он: Д.Ням-Очир /Аймгийн арслан/

2022 он: Т.Бэгзсүрэн /Улсын харцага/

2023 он: М.Бадарч /Улсын арслан/ гэх үндэсний бөхийн долоон тамирчнаас илэрчээ.

Олон жил үндэсний бөхөд бугшсан допингийн асуудлаас болж олон бөх хохирсон нь мэдээж хэрэг

          Хэл ам, хэрүүл, тэмцлийн гол бай болсон допингийн асуудалд энэ жил үнэхээр 16 бөх бүдэрсэн юм биз. Нэг үгээр бол Допингийн үндэсний хороо бөхчүүдэд допинг шахаж, нэхсэн мөнгийг нь өгөөгүй тохиолдол нийтэд зарладаг” гэх олны үг үнэн болж таарав уу. Допингийн эсрэг үндэсний төвийн захирал Ж.Хатанбаатар шинжилгээний хариуг өөрийн хувийн мэйл хаягаараа хүлээн авдаг байсныг хууль хяналтын байгууллага тогтоож, мэйл хаягийг дахин сэргээхээр ажиллаж байгаа гэх мэдээлэл бий. Үнэхээр шинжилгээний хариуг хувийн мэйлээр хаягаараа хүлээн авдаг нь тогтоодож, шинжилгээний хариуг нааш, цааш болгож, мөнгө олдог нь илэрвэл 16 бөхөөс допинг илэрсэн байхыг ч үгүйсгэх аргагүй. Энэ 16 гэх тоо амны алдаа байв уу, эсвэл бодит үнэн үү. Үнэхээр 16 бөхөөс допинг илэрсэн юм биш биз.