Ард түмнээр тэтгүүлж, байр, машинтай болох гэсэн увайгүй бөхчүүд төрийн наадмыг шившигтэй нь хутгаж байна. Үндэсний өв соёл, уламжлал, ёс заншил руугаа нулимсан зарим нэг бөхөөс болоод үндэсний бөхийн нэр хүнд өөдлөхөө болилоо. Төр түмнээ цэнгүүлж, үндэсний өв соёлоо түгээн дэлгэрүүлэх ёстой байтал амин хувийн ашиг харсан хэдэн хүнээс болоод хэрүүлийн бай болчихлоо. Допингийн төрөлд хамаарагдах хориотой бэлдмэлүүдийг бөхчүүд үнэхээр хэрэглээд байна уу, эсвэл Допингийн эсрэг үндэсний төв нь зохион байгуулалтайгаар хэрэглэсэн болгож гаргаад байна уу. Допинг эсрэг байгууллага нь гэж үлэг болсон газар товлосон цаг хугацаандаа шинжилгээний хариуг нийтэд зарладаггүй. Энэ бүхний ард ямар нэг учир бий л байх. Гэвч допингтой орооцолдсон л бол цолыг нь хурааж, бүх насаар нь барилдуулахгүй байя. Тэгж чадваас л залууст сургамж болж, үндэсний бөх минь цэвэр ариун өрсөлдөөнтэй болох байх.

Допинг хэрэглэсэн бөхчүүд харилцан адилгүй хариуцлага хүлээдэг нь ч инээдэмтэй

           Жил бүрийн наадмын дараа хоёроос гурван бөх допингийн асуудалд хутгалддаг жишиг тогтсон гэж хэлж болохоор боллоо. Допинг хэрэглэсэн бөхчүүд харилцан адилгүй хариуцлага хүлээдэг нь ч инээдэмтэй. Үүнээс гадна шинжилгээний хариундаа бүдэрсэн бөх гайхаад Допингийн эсрэг төвөөс асуухад “МҮБХ-оос асуу” гэдэг байна. МҮБХ нь “Допингийн эсрэг төвөөс асуу, Б сорьцын шинжилгээгээ дахин өгөх үү” гэдэг байна. Удаж, удаж нэг юм ирсэн шинжилгээний хариунаас болж бүхэл бүтэн нэг улирал хэрүүл тэмцэл хийдэг. 

           Тухайлбал, Улсын наадмын түрүү бөх М.Бадарчийн допингийн шинжилгээний хариутай холбоотой мэдээлэл олон хүний анхаарлыг татаж байгаа юм. Цахим ертөнцөд түүний В сорьцын хариуг өнгөрсөн долоо хоногт гарсан гэх мэдээлэл цацагдаад байсан. Мөн М.Бадарч В сорьцын шинжилгээний хариутайгаа танилцахаар Солонгос Улсыг зориод байсан билээ. Гэвч энэ оны есдүгээр сарын  25 нд Холбогдох албаныхан мэдээлэл хийсэн.  Мэдээллийн үеэр Төрийн нарийн бичгийн дарга П.Сайнзориг "Үндэсний их баяр наадмын бөхийн барилдаанд түрүүлсэн улсын арслан М.Бадарчийн Б сорьцын хариу албан ёсоор ирсэн. Допингийн шинжилгээг хяналттай өгдөг болсон. Ямар нэгэн байдлаар шээс солих асуудал байхгүй. Шинжилгээ авах процессод эргэлзэх хэрэггүй" хэмээсэн. Харин тус мэдээллийн хариуд улсын арслан М.Бадарчийг Арбитрын шүүхэд хандах болсон талаар цахим орчинд цацагдсан. Тиймээс энэ талаар М.Бадарчаас тодруулахад тэрбээр “Арбитрын шүүхэд хандах болсон талаар тодруулга өгөх боломжгүй. Монголд ирээд удаагүй байна” хэмээсэн юм.

           Допинг хэрэглэсэн нэгэнт тодорхой болоод байхад М.Бадарч “Хэрэглээгүй” хэмээсээр буй. Үнэхээр М.Бадарч допинг хэрэглээгүй допингийн эсрэг төвд ноцтой асуудал байна уу гэдэг дээр ард түмэн маргалдсаар байна. олон улсад итгэмжлэгдсэн тусгай лобартор худлаа хариу илгээхгүй нь мэдээж хэрэг. Ер нь ард түмний хайр хүндлэлийг хүлээсэн олон бөхчүүдээс допинг илэрчээ. Тухайлбал, Дархан аварга А.Сүхбат, даян аварга Н.Батсуурь, Г.Эрхэмбаяр аварга, Р.Пүрэвдагва арслан гэх мэт цуварна. Тиймээс допинг хэрэглэж байсан эдгээр бөхчүүдийн цолыг хураавал яасан юм бэ. Тэгж гэмээнэ л ирээдүйн залууст сургамж болох биз.

Гэвч хариуцлага хүлээсэн ч дахин хэрэглэх тохиолдол гарч барилдах эрхээ хасуулсан бөх ч бий. 

           Допинг хэрэглэж, ард түмний дургүйцлийг хүргэж, олон түмний барилдах хэрэг байна уу. Монгол түмний бахархал болсон бөхийн барилдаан сүүлийн жилүүдэд утгаа алдаж, зодоглосон бөхчүүдээс допинг илрэх хэвийн үзэгдэл болжээ. Ихэнх тохиолдолд шинжилгээний хариуг хүлээн зөвшөөрөхгүй байгаагаа илэрхийлдэг ч олон улсын жишгийн дагуу A, B сорьцыг шинжлэхэд аль алинаар нь допингийн төрлийн бодис хэрэглэсэн нь тогтоогддог. Тиймээс бөхийн холбооноос зохих арга хэмжээг авч, хариуцлага хүлээлгэдэг билээ. Гэвч хариуцлага хүлээсэн ч дахин хэрэглэх тохиолдол гарч барилдах эрхээ хасуулсан бөх ч бий. Тиймээс бид энэ удаа допинг хэрэглэж байсан бөхчүүдийн танилцуулж байна. Мөн допинг хэрэглэсэн бөхчүүдийн цолыг хурааж, дахин барилдуулахгүй байвал яасан юм бэ.

2002 он: А.Сүхбат /Дархан аварга/

2003 он: Д.Батбаяр /Улсын начин/

2004 он: Д.Мягмарсүрэн /Улсын заан/

2004 он: Г.Ганхуяг /Улсын харцага/

2006 он: Д.Рагчаа /Улсын гарди/

2006 он: Г.Эрхэмбаяр /Улсын аварга/

2009 он: Ц.Сумъяабэйс /Улсын начин/

2009 он: Б.Соронзонболд /Улсын заан/

2011 он: Г.Алтангэрэл /Улсын харцага/

2011 он: Ц.Цогбаяр /Улсын начин/

2012 он: Х.Мөнхбаатар /Улсын арслан/

2012 он: Б.Сугаржаргал /Улсын начин/

2014 он: Б.Суманчулуун /Улсын начин/

2014 он: Н.Адъяабат /Аймгийн арслан/

2016 он: Б.Баатарцол /Улсын начин/

2016 он: Б.Ганзориг /Цэргийн арслан/

2017 он: Ө.Бат-Орших /Улсын гарди/

2017 он: Б.Пүрэвсайхан /Улсын заан/

2017 он: Э.Даш /Улсын начин/

2017 он: Б.Номиндалай /Аймгийн хурц арслан/

2017 он: С.Майнбаяр /Сумын заан/

2018 он: Б.Соронзонболд /Улсын заан/

2018 он: Б.Гончигтавхай /Аймгийн арслан/ 

2018 он: Н.Ганбаатар /Улсын гарди/

2018 он: А.Цацабшир /Улсын харцага/

2018 он: Ц.Бямба-Очир /Улсын начин/

2019 он: Э.Оюунболд /Улсын арслан/

2019 он: Д.Цэрэнтогтох /Улсын начин/

2020 он: Н.Батсуурь /Даян аварга/

2020 он: Пүрэвдавга /Улсын арслан/

2020 он: Б.Баторших /Аймгийн арслан/

2021 он: Э.Оюунболд /Улсын арслан/

2021 он: Б.Уртнасан /Аймгийн арслан/

2021 он: Н.Батсайхан /Аймгийн арслан/

2021 он: Б.Хадбаатар /Аймгийн арслан/

2022 он: Б.Лхагвадорж /Аймгийн арслан/

2022 он: Д.Ням-Очир /Аймгийн арслан/

2022 он: Т.Бэгзсүрэн /Улсын харцага/

2023 он: М.Бадарч /Улсын гарди/