Маяктай машинтайгаа зам хааж давхилдаж, хотын төв талбайгаа зогсоол болгож ашиглаад ёстой маяг үзүүллээ дээ, цэрэг, цагдаагийнхан. Хэдэн бор алба хаагчдаа хувийн амьдрал үлдээх нь бүү хэл хуримлаж, гэр бүл болохыг нь хүртэл тушаалаар шийдсэн цэрэг, цагдаагийн дарга нар маягтай гэгч нь сүр, баяраа гайхуулж байх шиг...
Монгол Улсын Ерөнхийлөгч, Зэвсэгт хүчний ерөнхий командлагчийн нэрэмжит төрийн цэргийн болон хууль сахиулах байгууллагуудын шилдэг офицер шалгаруулах тэмцээн болж өнгөрсөн. Тэмцээний төгсгөлд Монголын шилдэг залуу офицер, ахлагчдын чуулга уулзалт Төрийн ордонд болж, чуулганы хүрээнд 35 залуу офицер, ахлагчийн хуримын ёслолыг хийжээ. Ингэхдээ маяктай машинтайгаа зам хааж давхилдаад, төрийн хүндэт харуулаараа хамгаалуулж байгаад төв талбай дээрээ машинаа зогсоочихдог юм байна.
Талбайн хажуу талаас эхлүүлээд цахим сүлжээнд олны уур уцаарыг барж, шүүмжлэлийн бай болсон цэрэг, цагдаагийн алба хаагч нарын хуримын цуваа гэрлэх ёслолын ордноос эхэлжээ. Гэр бүл болж байгаа шилдэг залуу офицер, ахлагч нарыг суулгасан гялайж гялтганасан албаны хар тэрэгнүүд хамаг гэрэл, маякаа асаачихаад зам хааж зогсож, Сүхбаатар талбайд машинаа эгнүүлээд зогсоочих аж. Тэгээд ч өндөрлөсөнгүй төрийн хүндэт харуул эгнүүлж зогсоогоод хэдэн бор алба хаагчаа талбайн индэр рүү алхуулж, Чингис хааны хөшөөний өмнө зураг даруулж, үлээвэр найрал хөгжмөөр хөгжөөж байв. Улсад хүнд, хэцүү цаг, гамшиг, осол болоход уранхай бээлий, хугархай иштэй хүрзнээс өөр юмгүй дайрч ордог цэрэг, цагдаагийн алба хаагч нарынхаа хуримыг төрийн мөнгөөр дааж байгаа гээд хамаг юмыг нь тушаалаар хийлгэж, бүр яаж зогсох, ямар үйлдэл хийхийг нь ч тушаалаар шийдэж байх аж. Хувийн амьдрал, гэр бүл зохиохыг нь ч төрөөс шийдэж, тушаалаар баталдаг болж байгаа юм байна...
Уг нь нийслэл Улаанбаатар хотын төв талбай, Сүхбаатарын талбайд автомашинтай зорчихыг Монгол Улс хуулиараа хориглодог. Гэтэл албаны данхар машинтай дуут дохио хангинуулаад зам хааж зогссоныг нь яах вэ гэхэд, улсын хуулийг үл тоож, төв талбай дээрээ машинтайгаа зорчих. Эгэл иргэд хуримаа хийж, гэр бүл болоход төв талбайн индэр дээр байгаа Чингис хааны хөшөө рүү зүглүүлэх нь битгий хэл тойруулж тавьсан хашааг нь давуулдаггүй. Харин төрийн төсвөөр, даргын тушаалаар хийж байгаа гээд цэрэг, цагдаагийн алба хаагч нарын хуримд төрийн хамаг хүндэт үйл ажиллагааг хамгаалж, харж байсан ёстой хүндэт харуулуудыг жагсааж зогсоогоод үлээвэр найрал хөгжмөөр сүртэй гэгч нь дуусгажээ.
Энгийн иргэд хуримлаж гэр бүл болохдоо хүндэт харуул жагсаах нь бүү хэл төв талбай дээрээ ч хийж чаддаггүй. Хуримынхаа дурсгал болгож гэрэл зураг даруулахаар талбайг зорьж ирсэн ч хэдхэн хором зогсож, зураг даруулах гээд талбайн хажууд машинаа тавиад л торгуулж, заримынх нь машин ачигдаад явж өгөх биз. Ардын амьдрал тааруу, хурим, найр хийх ч мөрөөдөл болж байхад төрийн төсвөөр түмний нүдэн дээр сүр үзүүлж, цэрэг, цагдаад ажилласных нь төлөө даргын тушаалаар давуу эрх, ямба олгож болохгүй. Яаралтай үед ямагт бэлэн байдаг гэж тэр давуу эрхийг олгодог бол эмч, онцгойгийнхонд ч ижил олгох хэрэгтэй.
ЦЭРЭГ, ЦАГДААГИЙН ДАРГА НАР ХЭДЭН БОР АЛБА ХААГЧИЙНХАА ХУРИМААР СҮР, БЯРАА ГАЙХУУЛЖ БАЙНА |
|
2024-05-11 16:49:27
2024-05-11 16:28:16
2024-05-11 16:06:01
2024-05-11 15:49:35
2024-05-11 14:57:12
2024-05-11 14:53:16
2024-05-11 13:30:05
2024-05-11 13:00:46
2024-05-11 12:52:25
2024-05-11 11:00:00
2024-05-11 10:34:01
2024-05-11 09:53:30
2024-05-11 08:42:45
2024-05-11 07:00:00
2024-05-11 07:00:00
2024-05-11 07:00:00
2024-05-11 07:00:00
2024-05-11 07:00:00
2024-05-10 14:00:00
2024-05-10 13:27:05
2024-05-10 13:15:06
2024-05-10 13:00:00
2024-05-10 11:58:01
2024-05-10 11:52:54
2024-05-10 11:14:50
2024-05-10 11:09:53
2024-05-10 10:58:46
2024-05-10 10:15:13
2024-05-10 10:00:00
2024-05-10 09:52:04
2024-05-10 09:30:00
2024-05-10 09:30:00
2024-05-10 09:25:59
2024-05-10 09:00:00
2024-05-10 07:00:00
2024-05-10 07:00:00
2024-05-10 07:00:00
2024-05-10 07:00:00
2024-05-10 07:00:00
2024-05-10 07:00:00
2024-05-10 06:45:22
2024-05-10 06:00:00
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц |
7509-1188 |