Жил бүрийн наадмын дараа хоёроос гурван бөх допингийн асуудалд хутгалддаг жишиг тогтсон гэж хэлж болохоор боллоо. Допинг хэрэглэсэн бөхчүүд харилцан адилгүй хариуцлага хүлээдэг нь ч инээдэмтэй. Үүнээс гадна шинжилгээний хариундаа бүдэрсэн бөх гайхаад Допингийн эсрэг төвөөс асуухад “МҮБХ-оос асуу” гэдэг байна. МҮБХ нь “Допингийн эсрэг төвөөс асуу, Б сорьцын шинжилгээгээ дахин өгөх үү” гэдэг байна. Удаж, удаж нэг юм ирсэн шинжилгээний хариунаас болж бүхэл бүтэн нэг улирал хэрүүл тэмцэл хийдэг. Эцэст нь тамирчин хохироод үлддэг. Энэ бүхний ард яг юу байна вэ. “14 хоногийн дотор шинжилгээний хариу бүрэн гарах ёстой” хэмээн заасан байдаг. Гэвч бараг сарын дараачаас л допингийн шинжилгээний хариу увж цувсаар ирдэг. Энэ нь олны дунд хардалт, асар их хэрүүл маргааныг дагуулдаг. Шинжилгээний хариу нь ирээгүй бөхийн эрэлд бүгдээрээ гарч, цахим орчинд бусдыг гүтгэх доромжлох байдал газар авдаг нь нууц биш.

Анх дархан аварга А.Сүхбатаас допинг илэрч байсан бол өдгөө энэ тоо 38 болж бөхөд хайртай монголчуудынхаа сэтгэл сэв суулгаж, хэрүүл тэмцлийн бай болоод буй

                Улсын баяр наадмын дараа ард түмнийг талцуулсан хэрүүл шуугиан гардаг. Энэ хэрүүл шуугиан бол ердөө л допингийн шинжилгээ. Үндэсний бөхөөр барилддаг бөхчүүдээс допинг авдаг болоод 20 жил хэдийнэ болжээ. Анх дархан аварга А.Сүхбатаас допинг илэрч байсан бол өдгөө энэ тоо 38 болж бөхөд хайртай монголчуудынхаа сэтгэлд сэв суулгаж, хэрүүл тэмцлийн бай болоод буй. Допинг гэх хар дансанд 36 бөх нэрээ бичүүлсэн бол үүнээс Э.Оюунболд, Б.Соронзонболд нараас удаа допинг илэрсэн аж. 2023 оны наймдугаар сарын 21-ны өдөр буюу өчигдөр Үндэсний баяр наадам зохицуулах салбар хорооны дарга П.Сайнзориг “Нийт 32 бөх шинжилгээ өгснөөс нэг бөхөөс допинг илэрсэн, нэрийг нь зарлах боломжгүй байна. Бид допинг илэрсэн бөхдөө мэдэгдэнэ. Тухайн бөх өөрийн эрхийн дагуу сорьцдоо орохоо шийднэ. Үндэсний допингийн төвөөс ирж байгаа мэдээллээр эдгээр шинжилгээ долдугаар сарын 17-ноос эхлэн шинжилгээний лабораторт орж эхэлсэн. Долдугаар сарын 27-нд эхний хариу буюу 31 бөхийн хариу ирсэн. Үүнээс хойш хүлээгдэж зарим эргэлзээтэйг нь дахин лаборатороор баталдаг. Тэгэхээр бид ирсэн даруйд нь олон нийтэд мэдээлж байгаа. Үүнийгээ тухайн бөхөд танилцуулна. Дараагийн шинжилгээний зардлыг тухайн бөх өөрөө даах ёстой. Допинг илэрсэн бөх шөвгөрсөн бөх байгаа” гэх тайлбарыг олон нийтэд хүргэсэн. Энэхүү мэдээллийн дараа цахим орчинд улсын арслан М.Бадарч болон даян аварга Н.Батсуурийг байх магадлалтай хэмээн бөх сонирхогчид үзэл бодлоо илэрхийлсэн билээ. Үүний дагуу Эргэлт.мн мэдээллийн сайт Н.Батсуурь, М.Бадарч нараас тодруулсан юм. Монгол Улсын даян аварга Н.Батсуурь “Би шинжилгээнийхээ хариуг аваагүй. Сүлжээ муутай хөдөө байгаа учир мэдээлэл авч чадаагүй байна. Та бүхэн хүний хэрэгт дурлах хэрэггүй” гэсэн бол М.Бадарч ““Би яг одоо хөдөө явж байна. Допинг илэрсэн, асуудалтай хүмүүс рүүгээ л ярьсан байлгүй дээ. Над руу ярьсан зүйл алга” гэх хариултыг өгсөн юм.

Ихэнх тохиолдолд шинжилгээний хариуг хүлээн зөвшөөрөхгүй байгаагаа илэрхийлдэг ч олон улсын жишгийн дагуу A, B сорьцыг шинжлэхэд аль алинаар нь допингийн төрлийн бодис хэрэглэсэн нь тогтоогддог

            Допинг хэрэглэж, ард түмний дургүйцлийг хүргэж, олон түмний барилдах хэрэг байна уу. Монгол түмний бахархал болсон бөхийн барилдаан сүүлийн жилүүдэд утгаа алдаж, зодоглосон бөхчүүдээс допинг илрэх хэвийн үзэгдэл болжээ. Ихэнх тохиолдолд шинжилгээний хариуг хүлээн зөвшөөрөхгүй байгаагаа илэрхийлдэг ч олон улсын жишгийн дагуу A, B сорьцыг шинжлэхэд аль алинаар нь допингийн төрлийн бодис хэрэглэсэн нь тогтоогддог. Тиймээс бөхийн холбооноос зохих арга хэмжээг авч, хариуцлага хүлээлгэдэг билээ. Гэвч хариуцлага хүлээсэн ч дахин хэрэглэх тохиолдол гарч барилдах эрхээ хасуулсан бөх ч бий. Тиймээс бид энэ удаа допинг хэрэглэж байсан бөхчүүдийн танилцуулж байна.

2002 он: А.Сүхбат /Дархан аварга/

2003 он: Д.Батбаяр /Улсын начин/

2004 он: Д.Мягмарсүрэн /Улсын заан/

2004 он: Г.Ганхуяг /Улсын харцага/

2006 он: Д.Рагчаа /Улсын гарьд/

2006 он: Г.Эрхэмбаяр /Улсын аварга/

2009 он: Ц.Сумъяабэйс /Улсын начин/

2009 он: Б.Соронзонболд /Улсын заан/

2011 он: Г.Алтангэрэл /Улсын харцага/

2011 он: Ц.Цогбаяр /Улсын начин/

2012 он: Х.Мөнхбаатар /Улсын арслан/

2012 он: Б.Сугаржаргал /Улсын начин/

2014 он: Б.Суманчулуун /Улсын начин/

2014 он: Н.Адъяабат /Аймгийн арслан/

2016 он: Б.Баатарцол /Улсын начин/

2016 он: Б.Ганзориг /Цэргийн арслан/

2017 он: Ө.Бат-Орших /Улсын гарьд/

2017 он: Б.Пүрэвсайхан /Улсын заан/

2017 он: Э.Даш /Улсын начин/

2017 он: Б.Номиндалай /Аймгийн хурц арслан/

2017 он: С.Майнбаяр /Сумын заан/

2018 он: Б.Соронзонболд /Улсын заан/

2018 он: Б.Гончигтавхай /Аймгийн арслан/ 

2018 он: Н.Ганбаатар /Улсын гарьд/

2018 он: А.Цацабшир /Улсын харцага/

2018 он: Ц.Бямба-Очир /Улсын начин/

2019 он: Э.Оюунболд /Улсын арслан/

2019 он: Д.Цэрэнтогтох /Улсын начин/

2020 он: Н.Батсуурь /Улсын гарьд/

2020 он: Пүрэвдавга /Улсын арслан/

2020 он: Б.Баторших /Аймгийн арслан/

2021 он: Э.Оюунболд /Улсын арслан/

2021 он: Б.Уртнасан /Аймгийн арслан/

2021 он: Н.Батсайхан /Аймгийн арслан/

2021 он: Б.Хадбаатар /Аймгийн арслан/

2022 он: Б.Лхагвадорж /Аймгийн арслан/

2022 он: Д.Ням-Очир /Аймгийн арслан/

2022 он: Т.Бэгзсүрэн /Улсын харцага/

2023 он: …………..?