Ардын намын ах нар нууцаар уулзаад эхэлжээ. Яагаад нууцаар уулзаж цуглах болов гэхээр Ерөнхий сайд Л.Оюун-Эрдэнэ “Ирэх сонгуульд шинэ залуу үеийг дэмжиж, сонгуульд оролцуулна” гэсэн билээ. Тиймээс МАН-ын ах нар уулзаж “Бид энэ сонгууль арчигдах нь ойлгомжтой боллоо. Улс төрийн замнал төгсөж байна. Хулгайч, авлигач, татварын мөнгө идсэн гэх нэр зүүгээд дууслаа” хэмээн ярилцаж, эрх сонгуульд хэрхэн нэр дэвшиж, зөөлөн сэнтийдээ залрах талаараа ярилцаж байна гэнэ.  Үүнээс гадна эрх баригч намынхан сонгуульд бэлдээд завгүй байгаа сурагтай. Үндсэн хуулийн өөрчлөлтийг сар хүрэхгүй хугацаанд хэлэлцүүлэн баталж, дараагийн ажлуудаа шуурхайлахгүй бол сонгуулийн компанит ажил оройтох гээд хөл толгойгоо олохгүй саарал ордонд гүйлдэж байгаа аж.

                 МАН-ын хувьд тийм ч эв түнжинтэй  нам биш. Удаа дараалсан олон хагарал ар араасаа гарч нэгнийхээ мууг үзэж, дайсагнаж явсныг түүх өгүүлэх биз. Нэг хэсэг М.Энхболд, У.Хүрэлсүх нарын фракц хоорондоо хагаралдаж, эцэст нь У.Хүрэлсүхийн фракц буюу 32-ын бүлэг ялалт байгуулж байлаа. Ялагдал хүлээсэн М.Энхболд суудлаасаа бууж саарал ордноос холдсон. Энэ цагаас хойш У.Хүрэлсүх ерөнхий сайдын суудалд сууж, Улсын их хурлын даргаар Г.Занданшатар томилогдсон нь тус фракцыг хүчирхэгжүүлж, НАМ-ыг бүү Монгол Улсыг бүрэн мэдэлдээ авч удирдах он жилүүд нь эхэлсэн гэж хэлж болно. Нэг үгээр У.Хүрэлсүхийн фракц монголын хаан болсон гээд хэлэхэд буруутахгүй.

олон жил төрийн жолоо атгалцсан намын ах нар эсэргүүцэж, нууцаар хуралдаж лобби найруулж буй сураг сонсогдох боллоо

              Төрийн оронд төвхнөсөн УИХ-ын гишүүдийн олонх нь улс төрийн гэмт хэрэгт нэр холбогдож, хууль хяналтын байгууллагын хаалга сахиж байгаа гишүүн ч цөөнгүй бий. Тэр байтугай гэмт хэрэгт холбогдон бүрэн эрхээсээ түдгэлзсэн гурван ч гишүүн байна. Энэ бүгдээс үзвэл одоогийн МАН-д эх орныхоо төлөө үнэнчээр зүтгэж, ард иргэдийнхээ амьдралыг өөд татна гэсэн бодолтой шударга гишүүн байхгүй бололтой. Тиймээс Ерөнхий сайд эрх сонгуульд шинэ залуусыг нэр дэвшүүлж, намдаа салхи оруулах гэж байгаа бололтой. Харин үүнийг нь олон жил төрийн жолоо атгалцсан намын ах нар эсэргүүцэж, нууцаар хуралдаж лобби найруулж буй сураг сонсогдох боллоо.  

МАН нүүрсчидтэйгээ, хулгайчидтайгаа хатуу тэмцэж, хариуцлага хүлээлгэнэ гэж хэдэнтээ мэдэгдсэн. Харин үүнийг сонссон намын ах нар сандарч, сонгуульд нэр дэвших арга замаа ярилцаж буй гэнэ

          Нүүрсний хулгай, Хөгжлийн банкнаас эхлээд авлига, албан тушаалын хэрэгт холбогдсон гишүүн ард түмний, татвар төлөгчдийн мөнгөөр тансаглаж, эх орныхоо баялгийг тонон дээрэмдэж, олон нийтийн боломжийг яаж хулгайлдаг вэ гэдгийг өнгөрсөн хугацаанд бид хангалттай харж, мэдэрсэн. Тэдний өнгөрсөн хугацаанд олонхоороо сонгогдсон намынхан улсдаа хөрөнгө оруулалт хийж, эдийн засгаа эргэлтэд оруулах нь байтугай ард түмнийхээ өмнөөс аль өнгөтэй өөдтэй нь шилж, сонгож, тонож, дээрэмдсэн түүхийг жагсаавал уртаас урт дараалал гарна. Нийтэд ил болчихсон хэргүүдээ шийдэж чадаагүй байтал нэмээд 76 эрх дархтныг тэжээх үүрэг ногдож байна, ард түмэнд. Яг үнэндээ сүүлийн үед гишүүдэд хүрэхгүй салбар, оролцохгүй сан, хийхгүй хулгай гэж байхаа больсон нь нууц биш. Нэг ёсондоо өнөөдрийн байдлаас “Нэг хулгайчийг нь түрүүлж болсон юм чинь нөгөө хулгайчийг нь дахиад нэмчихье” гэж байгаагаас ялгаагүй л үйлдэл гаргаж байна МАН. Тэгвэл одоо МАН-ын удирдах аппаратад үе шилжилт хийгдэж, 1980-аад оныхон гарч ирээд байгаа. Тэд цүнх барьж, сандал суудалтайгаа зууралддаг биш, эх орныхоо эрх ашгийг тэргүүндээ залсан бодлогын нам байх ёстой гэж үргэлж хэлдэг.

 Тэдний өнгөрсөн хугацаанд олонхоороо сонгогдсон намынхан улсдаа хөрөнгө оруулалт хийж, эдийн засгаа эргэлтэд оруулах нь байтугай ард түмнийхээ өмнөөс аль өнгөтэй өөдтэй нь шилж, сонгож, тонож, дээрэмдсэн түүхийг жагсаавал уртаас урт дараалал гарна

Иймд МАН нүүрсчидтэйгээ, хулгайчидтайгаа хатуу тэмцэж, хариуцлага хүлээлгэнэ гэж хэдэнтээ мэдэгдсэн. Харин үүнийг сонссон намын ах нар сандарч, сонгуульд нэр дэвших арга замаа ярилцаж буй гэнэ. ЗГХЭГ-ын дарга Д.Амарбаясгалан УИХ-ын гишүүдийн тоог 152 болгох талаар “Монгол Улсын Их Хурлын гишүүдийн тоо 76 байгаа нь хэт цөөн буюу ард түмнийг төлөөлөн ажиллаж байгаа гишүүд маань хэт өндөр эрх мэдэлтэй болох, улмаар нөлөөлөлд автах, зарим талаар УИХ-аар хэлэлцэгдэж асуудлуудыг гүн гүнзгий хэлэлцэж амжихгүй, олон талын байр суурь эрх эрх ашгийг төлөөлөхгүй байх зэрэг сөрөг үр дагаврууд бий болж байгаа нь нууц биш" хэмээн мэдэгдсэн. Засгийн эрхийг бүрэн атгаад буй Л.Оюун-Эрдэнийн бүлэглэлтэй шууд тэмцэлдэж, арцалдаж буй Сү-гийн бүлэг. Сү-гийн бүлгийнхэн Л.Оюун-Эрдэнийн бүлэг тэмцэлдэж, шинэ залуусаар хүрээгээ тэлж буйд бага багаар саад хийж, Л.Оюун-Эрдэнэд гомдогчдыг цуглуулаад эхэлсэн гэнэ. Гишүүдийн тоог нэмснээр УИХ-д суудалтай намуудын тоо нэмэгдэх ч, МАН-ханд ашигтай хувилбар. Өөрөөр хэлбэл улс төрийн намуудаас тогтвортой үйл ажиллагаа явуулсан туршлагаараа МАН намын дэмжлэг авч, парламентад дахин олонхийн төлөөлөл болох магадлал өндөртэй аж. Харин намын ах нар суудалдаа үлдэхийн тулд Ерөнхий сайдын өөдөөс юу ч хамаагүй сарвайхад бэлэн байгаа гэнэ.